ayun nga..
bale originally may 20 episodes ang Rooftop Prince na tig-a-approximately 60 minutes..
pero sa airing nito sa local tv channel eh umabot ito hanggang sa episode 58..
naging alanganin pa dahil sa Holy Week ng mga Katoliko..
pero ang puna ko naman dun eh, iyong 20 episodes nga eh hinati-hati na nila para umiksi iyong oras, pero bakit naman na kailangan pa nila iyong i-edit nang sobra-sobra...T,T
una..
tungkol sa marahas na pagka-edit nung local television channel dun sa tv series..
sa totoo lang hindi ko inakala na ganun ang ginawa nila para ma-chop-chop yun..
saka ko lang yun na-realize nung pinanood ko yung original cut ng Episode 20..
talaga palang ginugulan rin nila ng oras ang pag-e-edit dun..
nag-omit sila ng mga eksena sa pagitan at tuwing nagpapalit na ng camera view..
at ang masamang naging resulta nun ay may mga maliliit pero importanteng mga detalye ang natanggal nila
examples ng mga omitted scenes para sa Episode 20:
- yung pagtawag nung mukhang kawal na tauhan ng 'Ama' sa ama nina Bu Yong na makapagsasabi sana na kapatid pala siya ng bidang babae
- yung pagbibilin ng ama nina Bu Yong na ire-seal ng prinsesa iyong liham na pinadala niya dito at muling ipadala kay Bu Yong pabalik sa kanilang tahanan, na makapagpapaliwanag sana kung bakit na kay Bu Yong iyong mahalagang sulat kaya nalaman niya ang masamang plano ng kanyang angkan laban sa mahal na prinsipe
- yung halos inubos pala ni Bu Yong iyong mga persimones na may lason (pero may 3 pang natira sa plato, pero masyadong gabi na kaya siguro hindi na rin kumain nun ang mahal na prinsipe)
- yung hirap na hirap at pinilit ni Bu Yong na pumuta doon sa pavilion kahit na nalason na siya
- yung pagsasabi ni Bu Yong kay Prinsesa Hwa Yong na plano niya talagang mahulog sa may latian upang akalain ng mga tao na nalunod lang siya
- yung matapos ang paghuhukom at naglakad si Prinsipe Lee Gak sa may latian habang inaalala si Bu Yong at si Park Ha
- yung pagpapakita na meron rin pala silang nadalang Park Ha candy matapos makakain ng omurice, at napagalitan ni Prinsipe Lee Gak si Yong Sul nang nguyain niya ito
ilan lang iyon sa mga halimbawa ng tila simple lang, pero mahahalagang mga detalye na makakapagpaliwanag sana nang mas maayos sa naging takbo noong istorya..
pati yung comics (manga) ni Lady Mimi pinagtatanggal din dun sa palabas..
kung mga nakakapanghinayang naman na bagay ang pag-uusapan, ay nandyan:
- yung cute na relasyon nina Man Bo at Lady Mimi (siguro hindi na lang d-in-evelop pa yun nung writer dahil sa fact na magbabalik rin naman sina Man Bo sa Joseon sa bandang huli, yung ending para sa future ay naka-focus na lang kina Terrence at Park ha kaya hindi makakabuti kung bigla na lang nilang palalabasin na may reincarnation din si Man Bo para kay Lady Mimi, at tsaka kapag nagka-ganun eh lugi naman sina Yong Sul, Chi San at pati na rin si Becky kung wala silang lovelife sa dulo)
- lugi si Prinsipe Lee Gak sa istorya na 'to, dahil patay na ang katauhan ni Park Ha sa panahon niya (pero malamang ginawa pa rin niya ang responsibilidad niya na magkaanak para sa trono), at yung paraan naman ng pagpapadala ng liham ay from past-to-future lang kaya kahit sulatan niya nang sulatan si Park Ha sa hinaharap ay wala namang paraan para masagot ng dalaga ang mga liham niya
para naman sa ending..
sobrang sakit nung paghihiwalay nung dalawa - ang magkasintahan na nagmula sa dalawang magkaibang panahon..
tama si Lee Gak nung inisip pa niya kung makakabuti nga ba para kay Park Ha kung magpapakasal sila o ano..
pero sa totoo lang eh mas lugi talaga ang lalaki..
dahil nga pagbalik niya sa Joseon ay wala na doon ang babaeng nararapat para sa kanya..
mabuti na lang at nandoon sina Man Bo, Chi San, at Yong Sul upang damayan ang kamahalan sa kanyang pangungulila..
mahirap pa rin kung iisipin, may mga alala ka ngang nadala, pero hanggang doon na lang yun dahil wala na nga yung taong minamahal mo..
si Park Ha naman ay kung tutuusin ay dapat na mas marami siyang nakaramay nung bandang huli..
dahil andun ang mga Mama niyang sina Susan at Helen..
si Sena nga ay nagawa nilang damayan kahit na salbahe ito, si Park Ha pa kaya ang kanilang pabayaan na sobrang deserving para sa kanilang pagmamahal..
bukod sa pamilya ay nandun din ang kanyang mga kaibigan na sina Becky at Lady Mimi, sa may ibaba lang ng Rooftop house (i assume na doon pa rin siya nakatira, dahil kahit naman noong mabuking na ang pagpapanggap ni Lee Gak ay hindi naman na binawi ng Lola Chairman iyong bahay)..
bale kumpara kay Prinsipe Lee Gak ay lamang si Park Ha ng isang makakaramay sa buhay, baka nga si Sena ay pwede ring makatulong sa kanyang nakababatang kapatid bagamat malamang na nakakulong siya noong mga panahon na iyon..
sa tingin ko hindi na lang ipinakita sa script na dinadamayan si Park Ha ng pamilya at ng mga kaibigan niya, para magmukhang mas mahirap iyong sitwasyon niya, para mas madaling makuha ang simpatiya ng mga manonood - para mas maramdaman iyong pangungulila ng dalawang nag-iibigan..
maganda naman iyong naging ending..
dahil sa bandang huli ay nagkita nga sina Terrence Yong at Park Ha..
palatandaan na pwede na nilang ipagpatuloy ang naudlot na pag-iibigan nina Prinsipe Lee Gak at Bu Yong sa nakaraan..
usually, simple lang ang ending ng mga Korean drama (hal. ipapakitang masaya at buo ang pamilya, muling magkikita ang dalawang taong nagmamahalan kahit na ginawa na nila ang lahat para umiwas sa isa't isa - parang pagsubok kung itinadhana ba talaga sila, o di kaya naman ay maglalambingan lang)..
pero dahil fictional ang istorya ng Rooftop Prince, nagawa nila itong bigyan ng simple pero satisfying na wakas...
at ang naiwang tanong ay - magiging kaparehas ba ng pagmamahal ni Park Ha para kay Lee Gak ang magiging pagmamahal niya para kay Terrence Yong..
totoong magkamukha nga yung dalawang binata..
pero kagaya sa sitwasyon nina Park Ha at Bu Yong - meron silang mga katangian na may pagkakaiba..
kaya hindi rin pwedeng sabihin na parehong tao nga ang mga yun, kahit na reincarnation pa nila ang isa't isa..
pero may mga ipinakitang katangian si Terrence noong huli na katulad ng kay Lee Gak..
ang naiisip ko (since fictional naman yung istorya) ay nakatadhana talaga na magpalit ng katatayuan sina Prinsipe Lee Gak at Terrence Yong..
ang prinsipe ang pansamantalang gumanap sa katauhan ni Terrence upang madiskubre niya kung bakit sila napadpad sa panahon na iyon sa hinaharap, upang malaman ang misteryo sa pagkamatay ng mahal na prinsesa, at para na rin malutas ang misteryosong pagka-aksidente mismo ni Terrence..
at dahil iisang tao lang naman sila, siguro nag-synchronize ang naiisip nila..
malamang na habang comatose si Terrence for more than 2 years ay napanaginipan naman niya ang lahat ng mahahalagang bagay na pinagdaanan ng katauhan niya na mula pa sa Joseon, maging iyong mismong mga alaala nito habang kasama si Park Ha..
kaya parang nakuha na rin niya ang katauhan ni Lee Gak sa bandang huli...^_^
probably the second most romantic ending para sa isang South Korean script..
next sa movie na My Sassy Girl...
at ang talagang tanong na naiwan para sa akin na walang kasagutan ay..
paano ba naging Park Ha ang pangalan ni Park Inju..?
Park Ha na kasi ang tawag sa kanya mula pagkabata, noong bago pa man siya nawala at naaksidente..
tapos kahit na nagka-amnesia siya ay Park Ha pa rin naman yung ginamit niyang pangalan..
may koneksyon nga iyong 'Ha' sa 'Bu Yong'..
pero paano niya nakuha yung pangalan o palayaw na Park Ha..???
---o0o---
Most Memorable Lines:
wala pa rin talagang tatalo sa mga iyakin na chicks..♥.♥
confession through SMS...
ahahaha! basted, kawawa naman..XD
ang pinaka-pang-guwapong linya sa buong mundo...
ang final scene (bale hindi pa talaga yan yun, dahil nag-zoom out pa)...
dahil sa tv lang ako nanood..
at dahil wala naman akong image capturing device..
eh kinopya ko lang sa ibang blogger yung halos lahat ng mga images na kasama sa ultimate post ko na 'to (maliban dun sa pinakauna na gino-Google ko na lang)..
bale lahat ng credit para sa mga larawan ay dapat na mapunta sa author na si javabeans ng http://www.dramabeans.com ..
hindi ko alam kung paano talaga magsasagawa ng search dun sa blog site nila..
pero basta dito nagsimula yung review nila tungkol sa Rooftop Prince (original 20 episodes) sa link na 'to: http://www.dramabeans.com/2012/03/rooftop-prince-episode-1/
minsan kasi hindi makita dun sa mga related posts sa ilalim yung ibang episode review, kaya ang ginagawa ko na lang ay mano-mano kong ina-adjust yung episode number at tsaka yung numerical value nung month (if necessary) dun sa mismong link para lang makita ko yung iba pang related na review...
---o0o---
Omitted Scenes:
mga eksena na inalis sa local airing ng Korean drama series na 'to..
nasa early part pa to.. kabago-bago lang niyang nagpapanggap bilang si Terrence Yong...
sa Jinan 'to (sorry, hindi ko alam yung tamang romanization), basta after mag-dinner ni Team Leader ala-Terrence Yong kasama sina Park Ha at ng mga boss nito sa touring company...
pinakita ito sa preview sa commercial, pero hindi na isinama dun sa mismong episode..
nangyari 'to pagkatapos makuha ng grupo ni Lee Gak ang totoong Terrence mula sa pinsan nito sa labas at kontrabida na si Director Tommy Yong...
ang totoo kasi ay nahirapan pa sila sa paghahanap dun sa mga na-involve na tao, pero sa airing nung episode na 'to ay yung ale na kamag-anak nung may-ari nung sasakyan na naaksidente kaagad ang napagtanungan ng mag-MU...
sabi sa ibang review ay nagmakaawa pa siya noon sa mga pulis na palabasin man lang siya kahit na kaunting oras..
ito ay matapos siyang ipadakip at i-frame-up ni Tommy dahil sa pagpapanggap bilang Terrence Yong at bilang suspek sa pagpatay sa Lola Chairman...
ito ay matapos na mabundol ni Tommy si Park Ha, matapos na iligtas ng babae ang prinsipe...
wala na nito sa future si Chi San, kaya nakakaramdam na ang tatlong binata na malapit na rin silang bumalik sa Joseon, at dahil din dun ay tinanggihan ng prinsipe ang kagustuhan ng dalaga na magpakasal sila..
sabi sa ibang review ay nagpaka-busy si Park Ha sa pagtatrabaho sa mga panahon na ito...
isang eksena matapos nilang muling magkita ng kanyang eunuch na si Chi San, upang matakasan ang mga humahabol sa kanila ay naghiwalay din muna ulit ang dalawa..
ang totoo ay hindi naman talaga siya nakatago sa eksenang ito, swerte lang siya na hindi lumingon sa kanilang likuran iyong mga pulis (sa tingin ko ay isang pasadyang flaw dun sa script para lang sa katuwaan)...
swerte siya dahil may nadala siyang burger at ketchup nang bigla siyang ma-transport pabalik sa nakaraan...
tapos na nito ang paghuhukom nya sa mga kaaway..
nabasa niya iyong liham ng pagtatapat sa kanya ni Bu Yong kaya naman naalala niya si Park Ha...
---o0o---
Balik-Tanaw:
mga mahahalaga, mga paborito ko, at mga hindi ko basta-basta makalimutan na mga eksena mula sa RTP..
si Terrence lang talaga yung nakakita kay Park Ha kung kaya nga nagawa pa niyang i-sketch ang babaeng nagustuhan na niya mula pa lang noon, samantalang hindi man lang siya naitsurahan ng dalaga sa mga sumunod na pangyayari..
ang loko ni Yong Sul dahil talagang papatulan niya ang dalaga gamit ang kanyang espada..
ewan, pero parang isang beses lang talagang nagamit ni Park Ha itong pink na hoody niya, bagay pa naman sa kanya - para na silang Power Rangers nun..
ang cute niya nung nag-blush siya dito..
Man Bo (Greenman), Lee Gak (Redman), Yong Sul (Blueman), at Chi San (Yellowman) - yun ang tawag ni Park Ha sa 4 nung hindi pa sila masyadong magkakakilala..
parang mga batang nagma-martsa, haha..
ayaw nilang magpalit ng damit sa palikuran gaya ng iniutos ni Park Ha, kaya naisip ng Joseon 4 na magpalit na lang sa hindi nila iaakalang gumagalaw pala na silid na kung tawagin ay - elevator..
mas natawa ako dun sa reaksyon nung mga babaeng estudyante, kunwari nabastusan sila sa ginawa nung 4, pero kuha naman sila nang kuha ng mga pictures o videos gamit ang cellphone nila..
todo yung acting nya dito, na kahit na nawalan na siya ng malay ay nagkunwari pa rin siyang si Becky at nagpo-posturang babae habang nasa loob nung costume para lang walang makahalata na siya nga na isang prinsipe iyon..
hindi talaga ugali ng prinsipe na ipagsabi pa sa iba iyong mga sakripisyo na ginawa niya para sa mga ito, pero sa isang later na episode eh nadulas din siya at naamin iyon kay Park Ha habang nagpapayabangan sila..
nainis si Lee Gak kay Park Ha dahil earlier eh aksidenteng nasabi ng dalaga sa inaakala nitong naka-Panda costume na si Becky (na yun pala ay si Lee Gak nga) na aalis na siya patungong America, at ayaw pa niyang ipasabi noon sa 4 na lalaki ang tungkol sa pag-iwan niya sa mga ito..
maging si Park Ha ay naguluhan na sa mga kini-claim ng binata na mga katauhan, kesyo isa siyang prinsipe mula sa Joseon tapos tagapagmana rin siya ng isang Kompanya sa panahon ng dalaga..
sa tingin ko naisip talaga 'to ng Joseon 4 bilang alaala ng mahahaba nilang mga buhok (na napakahalaga para sa kapanahunan nila)..
inakala pa ng mga taong kasabay ni Park Ha sa bus na magkasintahan silang dalawa..
binigyan niya ang babae ng parang billboard na may imahe ng beach at mga palm trees (isang imahe na nakakagaan sa loob ng dalaga)..
at pinangakuan niya rin ito na bibigyan niya ng magagandang alaala simula noon (na nagawa nga naman ng lalaki, hindi nga lang sa flawless na paraan, pero ganun talaga, kahit yung masasakit na mga alaala eh may silbi rin naman kahit na papaano)..
bukod dun ay ipinabili na ni Lee Gak iyong Rooftop house sa kanyang Lola-lolahan na Chairman, kapalit ng pagpapagupit niya at ng kanyang mga kasamahan na rin..
dinidiskartihan kasi ng Tita-Lola ni Terrence Yong ang dating Director, at pinababalik na rin ito sa Kompanya, pero nahihiya dahil sa isang insidente nang pagkalugi sa nakaraan ang dating Director na na-demote na lang sa pagiging guwardiya ng isang warehouse..
sa eksenang ito, saktong napadaan si Executive Bernard Yong upang sabihan si Francho Pyo na nais na siyang pabalikin ng Lola-Chairman sa Kompanya..
dahil sinusubukang itago ng Tita-Lola ang pagkakagusto niya kay Francho ay napilitan siyang magtago sa loob ng kulungan ng isang aso..
sinumbatan ni Yong Sul si Lee Gak tungkol sa pagiging prinsipe nito dahil lang sa dugo o pamilya nito, ang hindi alam ng binatang bodyguard ay tapos na pala ang 3-minute free-talk session nila (na hinahayaan ang mga empleyado ng isang kompanya for example na hindi maging pormal at sabihin lang ang kanilang saloobin, para sana sa mas malapit na pagsasamahan)..
balak pa yata niya noon na buhusan ng sarili niyang ihi ang kamahalan, pahiyang-pahiya tuloy ang kawawang binata..
nahikayat ni Prinsipe Lee Gak na magsalita si Yong Sul laban kay Park Ha (na ayaw naman talagang gawin ng bodyguard, dahil sa ang totoo ay may gusto siya sa babae)..
upang ma-please niya ang prinsipe at ang kanyang mga kasamahan, sinabi niya na timping-timpi na nga siya sa dalaga, na nais niya itong paikot-ikutin sa ere tapos ay ibalibag sa sahig..
at dahil sa mali na namang timing, narinig ni Park Ha lahat ng bayolenteng sinabi ni Yong Sul tungkol sa kanya..XD
isang alaala na hindi nawala sa kanya kahit na nagka-amnesia siya..
ang trick ay pipindutin nang pipindutin ang doorbell ng isang bahay hanggang sa may lumabas na tao mula dito, tapos ay kakaripas naman ng takbo paalis (para lang talaga makapam-buwisit ng kapwa, hehe XD)..
maging si Lee Gak na sinabing parang pang-kriminal ang ganitong klase ng biro noong una ay nalibang rin naman sa paggawa nito..^_^
pang-mayaman na at ready nang tirhan..
first time rin niyang maglugay ng buhok at mag-high heels para sa palabas na 'to..
at sa picture sa kanan ay ang mga alalay ng prinsipe habang binabantayan ang dalaga sa kanyang blind date..
selos na selos si Yong Sul..
LOL, kuhang-kuha niya sa imagination yung itsura nung teacher na ka-date ng dalaga..
isa sa mga pambuwisit ni ala-Terrence kay Park Ha habang nasa Kompanya..
natuwa ang binata doon sa ideya na kailangang lumapit nung taong may hawak nung buzzer dun sa operator nito para lang mapatigil ito..
tinapatan ng pera at binili ni ala-Terrence iyong device mula sa isang nananahimik na coffee shop, haha..
makikita nga rin dito iyong unang sketch ni Terrence para sa bidang babae..
ang naisip kasi ni Sena ay nakilala na ni Park Ha noon pa man si ala-Terrence at na inalagaan niya lang ito nang ito'y maaksidente at magka-amnesia upang mapakinabangan nito ang kayamanan ng binata..
maling-mali ang mga iyon dahil; hindi naman talaga nagkakilala sina Park Ha at Terrence sa New York, hindi si Terrence ang kinupkop ng dalaga kundi si Lee Gak na napilitan lang na magpanggap bilang Terrence Yong, at hindi si Park Ha iyong tipo na nanaisin na makapanlamang ng kapwa..
at sa kanang picture ay in-interrogate ng 3 alalay iyong kawawang teacher, inagaw ang cake na regalo nito para sa dalaga, at idinispatsa pa yung cake sa pamamagitan ng pagbibigay nun kay Director Pyo..
gusto sanang makipagtagpo ni Lee Gak kay Park Ha para maibigay niya ng personal ang regalo niya para sa birthday ng dalaga..
pero na-intercept ni Sena iyong plano, at dinurog nya ang puso ng kanyang itinuturing na kapatid-sa-labas..
sa panahon rin na 'to sinimulan ni Sena ang plano niyang gamitin si ala-Terrence..
nag-aagawan kasi ang mga kalahok kay Yong Sul dahil sa pagiging athletic nito..
kung sinong yung pareho ang gagawin na pose sa katapusan ng kanta ay sila ang magiging magkasapi..
diniktahan ng kamahalan ang kanyang bodyguard na umupo upang sila ang maging magkakampi..
pero sa bandang huli ay mas pinili ni Yong Sul na makasama si Park Ha (one point for Yong Sul)..
sa picture sa kaliwa ay makikita na paupo na nga ang stance ng binata, pero nang tumayo na ang nagugustuhan niyang babae ay sinamahan na niya ito..
sa picture naman sa kanan ay makikita ang pag-deny ni Yong Sul sa prinsipe, asar na asar kasing sinusumbatan at tinitingnan ng kamahalan ang traydor na bodyguard, kaya naman dinedma na lang siya ni Yong Sul, LOL (anything for love)..
bilang premyo sa pagkapanalo sa basketball, sinikmuraan ni Park Ha, ang kamahalan dahil na rin sa pagkainis nito na makita ang dalawa ng inaakala niyang kapatid-sa-labas na si Sena na magkayakap sa kanilang meeting place sana..
dahil dun ay lalo pang naasar ang mahal na prinsipe kay Yong Sul..
dahil walang mga bank account ay binigyan niya ang mga ito ng cash..
at ang malokong 3 naman ay binigyan ng tip ang Director bilang pasasalamat nila sa mga naituro nito sa kanila, pero nabuwisit lang ang kanilang superior dahil sa kanilang mga kalokohan - hinayaan ba naman nilang magsayaw nga yung matanda, LOL XD..
sobrang cute naman niya ditong mag-alala..^_^
samantalang nung naunang eksena ay paiyak-iyak pa siya, haha...
na-badtrip si Man Bo dahil sa pagpapakabayani ni Yong Sul..
busog pa kasi si Park Ha, si Lee Gak naman daw ay walang gana, nais na sana ng tutor ng prinsipe na kumain na, pero sinabi ni Yong Sul na hindi siya kakain hangga't hindi pa pwedeng kumain ang kasamahan nilang eunuch, kaya naman napahiya si Man Bo at hindi na rin siya nakakain..T,T
saktong niyaya ni Park Ha ang Mama Susan niya (alam niyang Stepmom niya) na uminom sa labas..
masama naman ang loob ng ina dahil ipinaalam sa kanya ng kanyang itinuring ng anak na si Sena na malapit na ang engagement nito sa isang mayamang binata, ngunit hindi siya imbitado dahil walang alam ang pamilya ng lalaki tungkol sa kanya (dahil ikinakahiya ni Sena ang pagiging tindera niya lamang ng isda sa palengke)..
ito ay matapos ang insidente ng sunog sa warehouse ng Kompanya nina Terrence, kung saan iniligtas ni ala-Terrence ang buhay ni Park Ha kapalit ang isang malaking project sana para sa Kompanya..
ang huling venue sa pasimpleng date nina Lee Gak at Park Ha..
dahil sa pagkawala ng project sana ni Team Leader ala-Terrence Yong para sa kanilang Kompanya ay nagalit ang Lola-Chairman kay Park Ha, upang maprotektahan ang dalaga ay niyaya na muna ito ni Lee Gak na magpalipas ng oras sa labas, pero kahit nakaalis na ang kanyang Grandma sa tapat ng kanilang bahay, ay nagkunwari pa rin ang kamahalan na hinihintay pa rin ito ng kanyang Lola..
at bilang resulta, parang nag-date na rin nga ang dalawa, na na-enjoy talaga ng mahal na prinsipe..
sila ang mga kaibigang babae ni Park Ha..
si Becky ay sa totoong buhay ay isa talagang taga-Uzbekistan..
ni-reveal sa eksena na 'to na may hinala na nga ang dalawa maging ang 3 alalay ng prinsipe (kahit na si Yong Sul) tungkol sa namamagitan kina Park Ha at Lee Gak..
kaya naman disappointed talaga sila sa balita..
ang hindi niya alam ay nabasa niya ng advance iyong sulat ng dalaga, hindi pa naman kasi ito talaga aalis noong araw na iyon, at naghahanap pa lang sana ito ng bagong trabaho na nagkataon lang na nasa malayong lugar..
pero dinurog ng babae ang puso niya..
nagkaaminan na sa wakas, kahit pa pagalit yung tono ng kamahalan eh nagiging sweet rin namang pakinggan yung main idea..
ito ang second pero official lips to lips ng dalawa (ang una kasi ay mouth-to-mouth resuscitation noong malason si Lee Gak sa buwis buhay na pagkain ng crab & soy sauce para lang mapanindigan na sya nga si Terrence)..
pero hindi nila kaagad naulit sa kanilang kamahalan ang tungkol dito..
bale yung mga insidente ng unti-unti nilang paglalaho ay nangyayari lang sa tuwing nagkakalapit nang husto sina Park Ha at Lee Gak (isang patunay na ang dalaga talaga ang misyon ng grupo sa future)..
condo unit na yung sorpresa ni Lee Gak eh, pero sa sobrang ganda ng timing ni Sena, eh napagpalit niya yung kontrata nung condo sa plain ticket papuntang America, kaya ayun - durog na naman ang puso ni Park Ha, akala niya kasi gusto na siyang paalisin ng kamahalan dahil nai-in-love ito sa kanya (na sagabal naman sa inaakala nilang misyon - ang pagpapakasal kay Sena Hong)..
dahil sa tampo ng babae sa binata ay hindi niya ito napagbigyan sa lahat ng demands nito bilang tourista at kliyente rin nila, kaya naman inimbitahan ito ng kanyang mga boss sa dinner at sa KTV bar upang makabawi naman dito..
isinama ni Park Ha ang kamahalan sa tinutuluyan niyang bahay sa Jinan upang kausapin ito tungkol doon sa plane ticket na inakala niyang galing dito..
nagtatalo ang dalawa noong una, pero nagkasundo rin naman sa bandang huli, ang masama lang eh narinig nung batang lalaki (na apo ng may-ari ng inuupahang kuwarto ni Park Ha) ang pagtatalo ng dalawa..
para maiganti si Park Ha (dahil gusto niya ito), nilagyan nung bata ng pupu ng aso ang loob ng sapatos ni Lee Gak..
isang hindi nakakatuwang biro..>,<
pagpapatapon kay Park Ha sa America? - nagawa lang daw niya iyon dahil sa labis niyang pagmamahal sa binata.. sabay bawi na ang Lola Chairman daw talaga ang may utos nun sa kanya..
natakot ang 3 na baka hindi na sila makabalik sa Joseon dahil sa pag-abanduna ng prinsipe sa inaakala nilang misyon nila..
sinisi ni Chi San ang dalaga dahil nagkagusto dito ang kanilang kamahalan, sinisi naman ni Yong Sul ang prinsipe dahil sa pagiging iresponsable nito, mabuti na lang at nandun si Man Bo na naisip na baka tadhana nga ng dalawa ang magkatuluyan..
at bilang kapalit ng omurice, ay ibinalita nila sa dalaga na hindi na magpapakasal ang kanilang prinsipe kay Miss Hong..
bagay na sa halip na ikatuwa ay ikinabahala pa ni Park Ha, dahil akala rin niya ay si Sena talaga ang misyon ng Joseon 4 sa hinaharap..
siyempre sana'y sila na balut na balot ng kasuotan ang mga kababaihan sa kanilang panahon, kaya naman luwa ang kanilang mga mata sa pagmamasid ng mga chicks na naka-bikini lang..
(ano bang yung ginagawa ni Yong Sul?? parang bastos na ah)..
noong una ay tutol na ang matanda sa relasyon ng kanyang anak sa dalaga dahil isa lang itong sekretarya, tapos mas inayawan pa niya ito nung malaman niyang anak lang ito ng tindera ng isda sa palengke..
pero noong magpanggap na si Sena bilang nawawalang anak ni Chairman Helen Jang ay nagustuhan na rin siya ng Executive dahil lang sa shares ng Kompanya na posible niyang manahin..
ang hindi alam ng kontrabidang dalaga ay hindi na niya kailangan pa ang buhok ng kanyang tinuturing na nakababatang stepsister, dahil kahit sarili niyang buhok ay magma-match sa DNA ni Chairman Jang..
magtampo ba daw..
nasabihan naman ni Park Ha si Lee Gak na sa panahon nila ay ang nakababata ang dapat na unang nagpapakilala sa nakatatanda..>,<
laking gulat ng Chairman na si Sena pala ang tinutukoy ng binata na natagpuan nito..
ang hindi alam ng kontrabidang magkasintahan ay alam na ni Helen na anak niya si Sena..
ang panganay na anak ay nagpanggap bilang bunsong anak - kaya umpisa pa lang ng masamang plano nila ay buking na sila..
ang unang sighting ng unti-unting paglalaho ni Lee Gak, habang nanood sila ng fireworks display sa may Han River..
masyadong busy ang dalawa kaya hindi nila napansin ang nangyari..
kasi naman, iniwanan nila ang 3 sa Rooftop kaya hindi nakapanood ang mga ito ng fireworks display..
pinagburda ng prinsipe si Chi San, at pinagbasa naman niya ng mga libro sina Man Bo at Yong Sul (pinasaulo pa niya sa tutor iyong phonebook ng buong Korea o Seoul) para lang magawa nila ng dalaga ang kanilang secret date..
nahuli kasi siya ni Park Ha na tinatawag na Mama si Chairman Jang..
naawa si Park Ha sa Mama Susan niya dahil ikinakahiya ito ni Sena, kaya tinuruan niya ng leksyon ang kanyang itinuturing na ate-stepsister..
ang hindi lang alam ni Park Ha ay anak talaga si Sena ng boss niyang si Chairman Jang..
inakala ng mga Yong-sa-labas (pamilya sa labas ng Lola-Chairman) na si Tommy na ang mananalo dahil sa paglalagay nila kay Sena bilang anak ng Chairman, pero sa bandang huli ay ibinigay ni Chairman Jang ang boto niya kay ala-Terrence..
ayaw pa ni Lee Gak na bumili noong una dahil hindi naman daw nagsusuot ng singsing ang mga lalaki, pero nang sabihin ni Park Ha na iyon ang uso sa mga magkasintahan eh natuwa ang binata at nakiuso na nga..
this time, nasaksihan iyon ni Park Ha, wala siyang nasabi sa prinsipe, at sa sobrang takot ay wala siyang nagawa kundi yakapin na lang ang kamahalan sa pag-asang hindi pa ito mawawala..
nalaman na ni Director Francho Pyo ang ginagawang pagpapanggap ni Lee Gak bilang Terrence Yong..
pero sa halip na pagalitan, ay ninais niyang makipagtulungan sa Joseon 4 para maprotektahan ang Kompanya laban sa mga Yong-sa-labas..
isang bangungot para sa kontrabidang binata..
nabuking nga niya si ala-Terrence, binalak niyang gamitin ang comatose niyang pinsan na si Terrence upang pabagsakin ang impostor nito, subalit ang hindi niya alam ay nagawa na muli ni Lee Gak na magpanggap bilang ang lehitimo niyang pinsan sa ikalawang pagkakataon..
mga lapastangan na!
hindi kasi nila alam na dadating ang kanilang kamahalan, nasa bahay sila ni Director Pyo sa mga panahon na ito at nagtatago lang..
sakto lang daw para sa apat na katao yung in-order nilang pizza, at iyong ikaapat na tao ay si Dir. Pyo, kaya bawal daw humingi ang kamahalan..
nagreklamo ang mga alalay na wala na silang maisuot na mga damit, kaya niyaya naman sila ni Lee Gak na mag-shopping sa pag-aakalang bibigyan na siya ng mga ito ng pizza, natuwa nga ang 3 sa alok niya, pero hindi pa rin siya binigyan ng mga ito ng pizza, sinubukan niyang makipag-agawan at dahil doon ay aksidente niyang natabig ang pizza na kinakain ni Yong Sul kaya nalaglag ito sa sahig, napagalitan tuloy sya ng kanyang bodyguard..XD
nakita kasi siya ni Park Ha na ginagawa yung normal niyang postura na nasa likod ang dalawang kamay, tapos nakita pa ng dalaga na nalaglag mula sa kanya yung couple ring niya..
dahil may suspetiya ang binata na may kaugnayan si Park Ha sa impostor..
dahil alam ni Lee Gak na pasusundan o mamatyagan na ni Tommy si Park Ha, naisip nilang i-set ang kanilang train trap..
kunwari sasakay ang dalaga sa train, papasok siya sa loob kaya susunod naman sa kanya si Tommy, pero kapag nag-announce na na malapit na ang departure ay saka mabilis na lalabas ang dalaga mula sa train, bago mag-lock ang mga pinto nito..
medyo delikado, pero magandang teknik..
maging si Sena ay parang naawa sa kinagisnan niyang ina sa tagpong ito..
kumalat ang dugo mula sa ulo ng matanda..
iyon na rin ang ikinamatay nito..
isang masakit na kawalan para sa totoong Terrence Yong, at maging kay Lee Gak na itinuring na rin ang matanda na parang kanyang Lola..
yayakapin niya sana si Park Ha eh, kaso tumagos ang mga kamay niya..
unang beses para sa prinsipe na masaksihan ang kanyang sariling paglalaho..
medyo napagalitan pa niya ang dalaga dahil hindi nito nasabi sa kanya na nasaksihan na niya ito noon..
ipinaliwananag naman ng babae na takot na takot siya noon kung kaya't hindi niya alam kung paano sasabihin sa kanyang ka-MU ang tungol sa paglalaho nito..
ang teknik na nagpalaya sa kanya mula sa bilangguan kung kaya't nakuha niya ang mana ni Terrence Yong sa tamang oras..
matapos niyang itulak si Lee Gak upang mailigtas ito mula sa kapahamakan..
kahalintulad kung paano nakita noon sa Joseon ang walang buhay na katawan ng inakala ng mga tao na prinsesa..
sa pagkakataon na ito, si Director Tommy Yong na ang huli, at may matibay pang ebidensya laban sa kanya - isang voice recorder na naglalaman ng kanyang pag-amin sa ginawa niya kay Terrence Yong..
nag-undergo sila ng liver transplant, dahil bumigay ang atay ni Park Ha dulot nung aksidente..
sinabi ni Sena na isusuko na niya ang kanyang sarili sa mga pulis (siguro siya na rin ang magbibigay ng statement tungkol sa pagka-aksidente ng Lola Chairman at maging tungkol sa pagkabangga kay Park Ha)..
sinabi naman ni Park Ha na hihintayin niya ang paglaya ng kanyang ate..
at sa kauna-unahang pagkakataon, nagawa ng magkapatid sa ina na ngumiti sa isa't isa..
tanggap ng dalawang ina kung anuman ang nagawa sa nakaraan ng kanilang panganay na anak..
sila daw ang pinaka-matatatag na ina sa buong mundo, kaya huwag na niya silang alalahanin..
ang ibinunga ng raket nina Yong Sul, Chi San at Man Bo sa tulong na rin ni Lee Gak upang makabawi naman sila sa lahat ng nagawa para sa kanila ni Park Ha..
natatakot kasi ang prinsipe na magkakahiwalay rin sila ng dalaga, kaya baka mas masaktan lang ito kung makasal sila..
mas gusto daw niyang masigurado na magkakaroon ang babae ng maginhawang buhay kapag wala na sila sa future..
LOL, yun na yung romantic proposal ng prinsipe, at pasigaw pa niyang sinabi yun..
hindi pa kaagad naintindihan ng babae, pero ang ibig lang sabihin ng kamahalan eh ituloy na nila yung balak ng dalaga na magpakasal dahil ito naman ang gusto nito talaga..
isang hiyas o bato na parang jade na may butas sa gitna..
musmos pa lang daw ang kamahalan ng itago niya ito sa may ilalim ng isang poste ng kanilang Palasyo, sa future nagpunta sila doon sa Palasyo na nagsisilbi na lang na tourist attraction, at hinukay ng prinsipe iyong 300 taong regalo niya para sa dalaga..
tanging ang dalawa na lang ang naiwan na magkasama..
nandun pa rin yung takot na baka si Lee Gak na ang sumunod na maglaho mula sa panahon na iyon
magkahawak sila ng kamay..
na parang naninigurado na hindi muna mawawala sa tabi nila ang taong pinakamamahal nila..
to think na ang taong minamahal mo ay nanggaling sa ibang panahon, 300 taon sa nakaraan..
at iyong pakiramdam na baka hindi na muli kayo magkita pa..
paano nga ba ang dapat na maramdaman sa ganung sitwasyon..?
mabuti na lang at isa lang fiction ang istoryang ito..
kung sa future ay mag-pinsan-sa-labas sina Terrence at Tommy, sa Joseon naman ay magkapatid sila sa Ama (bale half-brother)..
kaya ayun, nalaman niya ang masamang plano ng kanilang angkan (o ilang miyembro ng kanilang angkan) laban sa mahal na prinsipe..
sanhi ng aksidente na may kinalaman sa makalumang plantsa..>,<
ang dahilan kung bakit siya parating nakasuot ng pantakip sa mukha..
ito ay noong panahon na gumagawa siya ng liham para sa prinsipe gamit ang natitira niyang lakas, partida na nalason na siya sa mga oras na 'to..
parati niya kasing naiisip si Lee Gak..
nakadalawang sabi pa nga si Terrence Yong ng kanyang order na apple juice eh..
hanggang sa umalis na ang binata ay hindi man lang siya totoong napansin at nakita ng dalaga..
nagtayo kasi ang 3 alalay ng prinsipe ng restaurant na ang specialty ay omurice..
sila na mismo ang gumagawa ng kanilang ketchup mula sa sariwang mga kamatis..
maihahalintulad ito noong unang beses na pakainin ni Park Ha ng omurice ang Joseon 4 sa kanyang bahay; nag-iisa lang noon ang mesa, kaya dahil sa paggalang ng 3 sa kanilang kamahalan ay sa lapag na sila kumain at na-solo ng prinsipe ang mesa, sa future kumain sila noon habang suot ang mga tradisyunal nilang kasuotan at dito naman sa eksenang ito ay kumain sila habang suot iyong mga sweatsuit nila na galing sa makabagong panahon habang suot pa rin ang mga tradisyunal nilang headgear..
halos katulad ito nung una - sketch sa likod ng isang postcard, na may kalakip na note para sa pagtatagpo..
yung unang sketch ay si Park Ha na may hawak na apple, samantalang itong ikalawa ay apple juice na sa pitsel ang kanyang hawak..
ang pagpapatuloy ng isang naudlot na pag-iibigan..
mapapansin sa picture na 'to na ginagawa ni Terrence iyong paboritong postura ni Lee Gak na nasa likod ang mga kamay...
---o0o---
at are naman ang isang tribute music video na galing sa Youtube..
paalala lang ulit, hindi sa akin yan ha..>,<
kaya para sa credits eh paki-check na lang nung mismong description nung video sa Youtube:
hindi masyadong perpekto yung mismong video..
pero nasaklaw kasi niya yung mga magagandang highlight nung istorya, kaya ito ang napili ko..
version ni Jo Eun (bale male version) ng "After a Long Time has Passed"..
ang favorite kong soundtrack mula sa series..
at dati kong pampatulog tuwing gabi..
maganda din naman yung version ni Baek Ji Young, may matataas na nota nga lang yun, kaya mas safe at banayad 'tong male version...
