Budgies Update: May 20, 2013 - Eye Problem

konting update lang tungkol sa mga pet budgie ko:

bale, hindi ko talaga sigurado kung kailan nagsimula yung problema..
alternate days kasi ang inspection ko sa mga alaga ko: Monday, Wednesday, Friday (kung kailan nagdadagdag lang ako ng patuka), at Saturday...

by May 18, napansin ko na parang may deperensya na nga si Blue sa kanang mata niya..
umaga noon..
tapos napansin ko na hindi niya talaga maimulat yun..
tas parang galaw nang galaw naman yung eyeball niya sa loob nung talukap niya..
may mga pagkakataon din na ikinukuskos niya yung panig na yun ng kanyang mukha sa kahit na ano..
natakot talaga ako noon na baka kung ano na naman ang mangyari sa mga alaga ko..
papalapit pa naman ang breeding season at gusto ko talagang makapagpalahi itong si Blue dahil siya ang may pinakamagandang breed sa kanilang apat..
kinabahan tuloy ako na baka malapit na rin ang oras niya...

luckily, by May 18 ng hapon..
eh napansin ko na naimumulat na ulit ni Blue ang kanyang kanang mata..
although may mga pagkakataon na ipinipikit pa rin niya ito nang matagal na para bang may iniinda pa rin siya na kung ano..
pero medyo na-relieve na ako dahil kahit papaano eh parang paayos na nga yung lagay niya...

the following days naman..
eh parang um-okay na nga ulit siya..
hindi na papikit-pikit pa at maingay na ulit...


in addition to that..
binigyan ko rin ang mga budgie ko kahapon ng watermelon treat..
masyado silang matatakutin sa tuwing may nakikita silang bagay na bago sa kanilang paningin sa loob ng kanilang kulungan..
pero as of this morning, eh napansin ko naman na tinitikman na ni Blue yung pakwan..
siya talaga yung pinakamaamo sa kanila, at open na mag-experiment ng mga bagong equipment o pagkain...

K-ture: BIG (Final Review)

ang entry na ito ay related sa isa pang nakaraan na entry:
http://myanythinggoesblog.blogspot.com/2013/04/k-ture-big.html

bale hindi pa pala doon sa huli kong review nagtatapos yung pagiging komplikado ng istorya nitong 'Big'..
ang nangyari kasi eh, bukod sa pagiging magkaribal sa babae..
eh nagkataon din naman na magkapatid pala sina Darius Kang at Dr. Eugene So..
pareho lang naman sila ng mga magulang, pero kinailangan ng nakababatang si Darius Kang ng surrogate mother, at ginawa lang siya para mailigtas ang buhay ng kapatid niyang si Eugene..
in addition to that, nabanggit rin ng biological mother nila na dahil nga sa kondisyon niya nang pagbubuntis eh posibleng magkakambal pa nga talaga sina Darius Kang at Eugene So..
bale, test tube baby nga pala si Dr. Eugene, yun siguro yung dahilan kung bakit siya nagkasakit...

yung surrogate mother ni Darius Kang ay minahal talaga ang biological father niya..
at isa yun sa mga ikinasama ng loob ni Darius..
paano daw kasi nagawa ng biological father niya na pilitin ang babaeng alam niyang nagmamahal sa kanya na dalhin ang kanyang anak sa ibang babae..
at eventually lumabas naman yung katotohanan na minahal ng biological father ni Darius ang babaeng nagsilang sa kanya..
at na ang biological mother din ni Darius ang pumilit sa kinagisnan niyang ina na maging surrogate mother..
at napagkasunduan nga nila na iwan na lang sa pangangalaga nung surrogate mother yung bata, since yung umbilical cord lang naman nito yung kailangan nila para mailigtas si Eugene..
yun din siguro yung dahilan kung bakit noong una ay ayaw na ayaw ng biological mother ni Darius sa kanya - dahil inianak siya ng babaeng minahal din ng kanyang asawa...

bale yung milagro pala ng pagtatagpo ng magkapatid eh dulot na rin ng totoong pagkakaugnay nila sa buhay...

hindi masyadong naging epektib yung istorya..
unang dahilan eh dahil parang nagkatuluyan pa rin sina Teacher Diane at ang estudyante niya noon na si Darius..
habang nagkakagusto si Diane kay Darius ay ang anyo naman ng kasintahan niyang si Eugene yung nakikita niya, tas attitude lang bale yung nare-reflect ni Darius..
so paano yun..? nagkagusto siya sa ugali nung bata habang katawan ng totoo niyang kasintahan noon ang nakikita niya..?
parang nabalewala tuloy sa istorya na 'to lahat ng sakripisyo nina Dr. Eugene para kay Diane at nung kababatang babae ni Darius para kay Darius..
napatunayan pa man din nila na minahal nga ni Eugene si Teacher Diane, at na hindi naman talaga ito nagtaksil sa bidang babae..
tas ang layo pa nung age gap nung mga bida, na para tuloy ang hirap tanggapin nung istorya kahit na nangyayari naman talaga yun sa totoong buhay...

sa katapusan nga eh muling nagkita sina Darius at Diane..
hindi ko sigurado kung anong nangyari sa magkapatid, dahil hindi ko na napanood nang ayos..
basta kamukha na ni Darius si Eugene So (siguro nga eh dahil supposedly eh kambal naman talaga sila)..
tas isina-suggest na muling nagmahalan yung dalawa, kahit na nakalimutan pa ni Darius lahat ng mga nangyari sa pagitan niya at ng teacher niya noong mga panahon na nag-switch sila ng katawan ng kuya niya..
isa na namang patunay kung gaano kalakas yung tinatawag na 'love'...