Basa-basa rin po tayo 'pag may Time!

today..

October 21, 2013..

nagulat na lang ako nang mapansin ko na may nag-UNLIKE sa post ko sa Youtube, yung mensahe ko para sa LBC para sana magising sila sa mga pagkakamali nila..

heto yung video message ko na yun:

noong una..

eh na-curious ako kung bakit ganun na lang yun pagka-UNLIKE niya sa post ko..

naisip kong tingnan kung may iniwan ba siyang comment, na kesyo baka naman may punto yung tao na yun sa hindi niya pagsang-ayon sa mensahe ko..

pero nasira lang ang araw ko noong mabasa ko na yung comment niya:

at heto nga sa itaas yung screenshot noong comment niya at ng reply ko rin sa kanya..
hindi na ako nag-abala na i-censor pa yung username at ID picture niya dahil malamang makita rin naman yun ng mga readers kapag binisita nila yung link sa video ko (unless na itong user na mismo ang magbura nang i-p-in-ost niyang NON-SENSE)...

nakakaasar!
at nakakainit ng ulo!
bakit..?
dahil basta-basta siya nag-post ng komento niya nang hindi man lang niya naiintindihan yung buong istorya..
at ako pa yung gusto niyang palabasin na MALI at MAINIPIN ha..!?
mga ETA o Estimated Time of Arrival pang nalalaman, eh mahigit isang taon na ngang nawawala yung collectors' item ko! >,<
bukod pa dun yung ginawa niyang pag-unlike sa video message ko (oo, i assume na siya yung nag-UNLIKE base na rin sa pahayag niya na "di ko ma i-like ito")..
ewan ko kung may kinalaman ang taong are sa LBC ha, pero malinaw na nagbibigay siya ng komento sa maling lugar at pagkakataon...

again, this is not just about a lost package:
- tungkol 'to sa kung paano nangyari yung pagkawala nung item ko
- tungkol 'to sa mga nasayang na pera (kasama na ang mga ibinayad sa mga long distance call para lang makausap ang kompanya nila), nasayang na item, oras, at effort
- tungkol sa maling paraan ng pag-handle ng LBC ng error
- tungkol sa tracking system nila na pumalpak ma-pinpoint kung nasaan ang isang package (sabi ng sistema nila eh nasa poder nila, pero kini-claim nila na ibinalik na nila sa kung saan, pero ang totoo eh hindi na nila mahanap)
- tungkol 'to sa mahinang customer support, kung bakit nila ako i-b-in-lock sa Facebook page nila eh yun pa naman yung madaling paraan para makausap sila (alam kong mali na nagmumura na ako noon, pero obligasyon pa rin nila na tulungan ako sa naging problema ko, di ba..?)
- tungkol 'to sa kawalan nila ng sense of responsibility, kung bakit nagtuturuan na sila ng mga panahon na yun kung sino ang nagkamali sa hanay nila, at kung bakit hindi sila sumisipot sa mediation meeting na ipinatawag ng Philippine Shippers' Bureau
- tungkol 'to sa kawalan ng hustisya, kung bakit parang walang naparusahan o nasibak sa serbisyo dahil sa incompetence
- at sa bandang huli, tungkol 'to sa pagkilala sana nila sa mga pagkakamali nila bilang isang kompanya na nagpo-provide ng service sa taumbayan, at sa pag-iisip ng mga paraan kung paano sana nila maitatama o mas mapapabuti ang kanilang serbisyo


bilang mensahe para sa lahat (in general 'to ha)..
mag-ingat po sana tayo sa pag-iiwan ng comment(s) o sa pag-LIKE o UNLIKE ng mga article o post na nababasa natin sa internet..
minsan kasi baka hindi na natin nare-realize na nasisira natin yung sense o meaning ng isang post dahil lang sa MALING PAGKAINTINDI natin dito..
gaya nga po ng sabi sa title nitong blog entry ko na 'to..
eh BASA-BASA rin po tayo 'pag may TIME... T,T

PDAF over DAP..?

amp!
mga anak naman ng..
sino ba talaga ang panggulo..?
ang buong sambayanan ba..?
o ang media lamang..?

bakit ba naman kasi kailangan na kaagad na husgahan ang DAP o ang kini-claim ng Malacañang na Disbursement Acceleration Program..?
siguro nga may posibilidad na unconstitutional yun..?
pero ang tanong eh may mga nakalap na bang konkretong mga ebidensya na makapagsasabing sa maling paraan nga nagamit yung pondo..?
wala pa naman pating sinasabi na sa bulsa na lang talaga ito ng mga mambabatas dumiretso ng buong-buo eh..?
siguro nga hindi kaagad i-d-in-isclose ng Malacañang ang tawag o term para dun sa pondo na yun sa kung sino mang mga nabigyan nito..?
siguro nga na mga bumoto lang laban kay Corona ang pinondohan ng ganito..?
pero whether or not ginamit nga itong pambili ng mga boto ng Senador noong nakaraang impeachment eh kinakailangan pa ng matibay na ebidensya...

hindi pa ba sapat na ipahinto lang muna ang paglalabas muli ng ganitong klase ng pondo..
mangalap lang muna sila ng mga ebidensya kung sino nga ba ang nagkamali sa pagpapatupad nito..
at alamin kung sa tamang paraan ba ito nagamit o baka naman natulad rin lang nga ito sa naging pag-abuso ng maraming mambabatas sa tinatawag at sikat na sikat ngayon na PDAF o Priority Development Assistance Fund...

kundangan namang pinagulo lang ni Senator Jinggoy ang sitwasyon eh..
although, tama na rin nga naman na isiniwalat na niya ang tungkol dun habang maaga pa..
ang pagkakamali lang niya kasi eh, dahil sa ginawa niya ay posible niyang masira ang buong sistema ng gobyerno..
bakit..?
dahil kung mapapatunayan na ginamit yung DAP na pambili ng boto ng mga Senador noong nakaraang impeachment - eh mangangahulugan yun na wala nang mapagkakatiwalaan pa sa kanila, na lahat ng nabayaran noon ay mga tiwali, at na wala sa kanila na mga binoto ng taumbayan ang nararapat na maupo sa kanilang mga posisyon sa pamahalaan..
bakit, kung hindi ba sila nabayaran eh ano..? - pawawalan nila ng sala si Corona kahit na may konkreto ng ebidensya ng medyo malaking halaga na hindi niya na-declare nang wasto sa SALN (Statement of Assets, Liabilities, and Net Worth) niya..
ibig bang sabihin na hindi sila magbibigay ng hustisya para sa bayan kung walang kapalit na pera...?

are namang si Corona..
eh isa pang medyo mahinang mag-analyze..
ano bang akala niya, na nakabuti sa kanya yung isiniwalat ni Senator Jinggoy..?
ebidensya na mismo, at siya na mismo ang umamin na may hindi siya na-declare nang ayos sa SALN niya noong nakaraang impeachment..
kaya tapos na ang usapan tungkol sa kanya - guilty siya kaya nararapat lang siyang maalis sa dati niyang katungkulan bilang Chief Justice..
ang panibagong katanungan lang naman na nabuo ni Senator Jinggoy eh "totoo bang nababayaran nga ang mga Senador o hindi?"...

anyway..
sa ngayon eh wala pa nga namang mga solid na ebidensya..
parang kasing hindi nakakatulong na maya't mayang nababanggit sa mga balita yung mga haka-haka pa lamang patungkol sa kung paano at saan napunta yung DAP eh..
kasi parang napo-provoke lang lalo ang mga tao...

ang sa akin lang naman eh..
yung PDAF ang meron ng mga ebidenysa..
yun yung talagang criminal case na eh (di gaya ng DAP na pinagdedebatihan pa lamang kung unconstitutional nga ba o hindi)..
may mga itinuturo na rin namang mga suspect dun..
eh sana naman eh tapusin na muna yun..
baka kasi magaya lang yung kaso ng PDAF sa iba pang mga kaso noon na natatabunan lang dahil sa mabilis na pagdaloy ng mga balita eh...

ang gulo na ng bansa..
mukhang lahat ng government officials at maging mga government employees eh kailangan nang lahat na pagsisibakin sa mga puwesto nila..
eh sa wala nang mapagkatiwalaan eh...

10 Years Para sa Katarungan!!?

mga 10 years..?
ibig sabihin nagbibiruan na naman pala ang mga tao ngayon..?

nawawalan na talaga ng silbi ang justice system lately..
andyan na nga yung mga namamanipulang ebidensya o testigo..
andyan na nga yung mga nababayarang awtoridad..
tapos sobrang tagal pa pala bago matapos ang kaso...

sa bagay..
ang justice system naman ay hindi maituturing na perpektong hustisya..
mas magandang isipin na patalinuhan lang 'to ng mga abugado at pagandahan ng mga diskarte sa korte..
dahil kung totoo ang katarungan..
edi sana matunugan pa lang ng mga abugado na guilty talaga ang kliyente nila, edi sana sila na mismo ang nagsusuko nung kasong inilalaban nila...

siguro yung corporate law pwede pang idaan sa sistema ng mga tao..
tutal pera-perahan at negosyo lang naman yung usapan dun..
pero kung criminal law na..
parang mali na ipagkatiwala yung pagdedesisyon sa mga tao..
kasi wala naman sila dun sa mismong mga kaganapan ng korupsyon man o krimen..
kahit na sabihing mga propesyunal pa sila..
eh hindi naman napag-aaralan na makita ang katotohanan eh..
lalo na nga ngayong uso na ang edited na mga ebidensya at testigo, ang pananakot pati na rin ang panunuhol...

kahit nga yung Precogs sa Minority Report na movie eh may butas rin pala eh...

maganda siguro kung may paraan para makita talaga ang isipan ng mga tao..
yung parang nanonood ka ng recorded na video..
para mas wasto ang pagdedesisyon tungkol sa katarungan...

na-curious tuloy ako..
hindi ba mabisa daw na pampaamin ang alak..
dahil mas nasasabi daw ng mga tao ang nasa sa loob niya kapag lasing na siya..?
hindi ba pwedeng lasingin na lang ang mga suspek sa iba't ibang mga kaso..
tapos eh saka sila i-interrogate..
o di kaya eh turukan ng drugs..?
tas saka sila i-interrogate...

Buwagin ang Pork Barrel..?

silly creatures..
iniisip ba talaga nilang mabubuwag nila yung konsepto nung pork barrel..?

kapag pumasok na sa gobyerno yung pera mula sa buwis..
natural kailangan ng paraan para ilabas ulit yun para magamit at mapakinabangan naman..
pero kahit sa paano pang paraan..
kahit na ano pang itawag o ipangalan dun sa pork barrel na yun o sa buong national budget man..
tao at tao pa rin ang maghahawak nun..
at natural na sa karamihan ng mga tao ang matukso..
ang bumigay sa greed..
ang corruption eh nag-uugat mismo sa mga tao..
kaya halos imposible na yung mawala...

isa lang naman talaga yung solusyon eh..
katapatan sa tungkulin..
pero yun na rin yata yung pinakamahirap na gawin - ang reporma sa pag-uugali...

o siguro dapat maging mas mahigpit na ang lahat sa pagbabantay ng pera ng bayan..
tama na yung pagpapakabait..
kailangan nang maging praktikal lalo na sa panahon ngayon..
kapag may napatunayang bumaboy sa salapi ng taong-bayan..
edi tapusin..
patayin kaagad (public execution) nang magsilbing halimbawa sa iba pang opisyales o empleyado na gustong tumulad sa masamang gawain nila..
o kung walang makasikmura na pumatay ng ibang tao para sa katarungan..
edi ipatapon na lang sila at alipinin habambuhay..
gawing agricultural workers kasama ng iba pang mga kriminal dyan (menor de edad man o nasa wastong mga gulang na)..
at nang makabangon naman ang agricultural industry ng bansa...

eh kung subukan kayang ibigay sa mga militante at repormistang mga grupo yang mga posisyon sa pamahalaan na yan..?
nang ma-testing lang kung may mababago ba..?

pero kung ayaw na talaga nila..
edi buwagin na lang ang gobyerno..
buwagin na ang sistema ng tax..
tas kanya-kanya na lang ang mga mamamayan sa pagprotekta at pagsisilbi sa mga sarili nila...

Stupid Balikbayan Caller & The Same Mobile Number (??)

kahapon may anonymous number na tumawag sa cellphone number ko..
sa itsura nung numero eh mukhang landline yung gamit at mula sa kung saan..
(085) 300-**** eh, pero siyempre naka-register yun sa cellphone na dikit-dikit lang yung pagkasulat sa mga numbers na nabanggit...

akala ko naman eh kung ano lang..
pero yun ang naging pinaka-nakakabuwiset na tawag na natanggap ko sa buong buhay ko...

tila matandang lalaki yung kausap ko sa kabilang linya, base sa dating ng boses niya..
may hinanap kaagad siya sa akin na kung sino (lalaki yata) pagka-'hello' ko..
eh wala namang ganung tao dito sa bahay, kaya natural sinabi ko na wala ngang 'ganun' na nakatira sa amin at baka naman nagkamali lang siya ng number na na-dial..
pero iginiit niya na siya ang tama..
sa katunayan eh idinikta pa nga niya sa akin yung number na tinatawagan na niya, at yun na yun nga mismo ang numero ko..
ang ipinagtataka ko eh kung bakit niya kini-claim na tama yung number na tinatawagan niya..?

at sa puntong yun..
eh lumabas na yung kabobohan at pagiging assuming nung mama..
ang tanong ba naman kaagad sa akin eh - "paanong wala dyan si ****, tama naman ang number na tinawagan ko, paano mo nakuha ang number niya?"..
siyempre dahil medyo tunog matanda na yung kausap ko, eh mas pinili kong maging mahinahon sa pakikipag-usap sa kanya..
sinabi ko na hindi ko rin alam, na baka nagkamali nga lang siya ng pag-dial..
tinanong niya ako kung gaano na katagal sa akin yung number ko..?
ang sabi ko eh mga dalawang taon na, dahil yun yung time na nagpalit ako ng cellphone..
(pero ang totoo eh nagkamali pala ako ng sagot, dahil gamit ko na nga pala yung number ko matapos kong maipa-unlock yung luma kong cellphone)
tapos eh bigla ga naman siyang nakadali na, "oo nga, 2 years ago (na parang nakisang-ayon lang siya sa akin) natawagan ko ang kaibigan ko sa number na yan, kaya paano yang napunta sa'yo..?"..
sinubukan ko pa ring magpaliwanag na hindi ko rin alam kung paanong nangyari yun..
pero sa halip na makinig, eh nagmagaling pa talaga siya sa akin..
paano daw napunta sa akin ang number ng kakilala niya..?
baka daw nawala yun, tas ako ang nakakuha..?
o baka naman daw nawala yun, tas ako ang nakabili..?
tinamaan na talaga ako ng buwiset dun sa matanda sa oras na yun..
ni hindi niya ako kilala..
tapos mag-a-assume siya kaagad na magnanakaw ako ng cellphone, o manlilimot ng nawalang cellphone, o bumibili ng nakaw na cellphone..?
anak ng pota naman o'...

pero kahit na na-badtrip na ako eh sinubukan ko pa ring magpaliwanag pa rin..
sinabi ko na imposibleng mangyari yun dahil sim card mismo ang binili ko dati (yun nga eh matapos kong maipa-unlock yung luma kong cellphone)..
ano ako tanga, para bumili ng sim card na gamit na at tanggal na dun ca card..?
nakalimutan ko pa ngang sabihin na baka gusto niyang ipakita ko pa sa kanya yung kahon ng cellphone ko at yung lalagyan nung sim card ko eh..
balikbayan daw siya..
at doon sa number na katulad ng sa akin niya na-contact dati yung kaibigan niya, 2 years ago..
tumawag daw siya para ipaalam sa kaibigan niya na nakabalik na siya ng bansa..
at ibinida pa niya na nakatingin siya sa Facebook noong mga oras na yun, at muling idinikta sa akin yung number na tinatawagan niya base sa pagkabasa niya..
ang huli kong nasabi sa kanya eh hindi ko rin talaga alam kung paanong nangyari yun, na baka nagkamali lang yung kaibigan niya o siya ng pagsulat dun sa number..
matapos yun eh parang napagod na rin siya sa pakikipagtalo, at di bale na lang daw, sabay baba ng telepono...
nakakaasar kasi parang siya yung nanalo sa usapan namin..
na parang kumbinsido talaga siya sa sarili niya na gumawa ako ng masama para lang makuha ko areng number ko at cellphone ko...

pero ang mas ipinagtataka ko eh..
posible kayang totoo yung sinasabi nung bastos na matanda na kaparehas ng cellphone number ko yung cellphone number nung kakilala niya..?
dahil kung sakaling totoo yun eh delikado yun para sa akin..
unang-una na dahil may kadikit na iba't iba at mga mahahalagang account ang mobile number ko..
at isa pa, ginagamit ko rin 'to sa maraming business transactions...

ang isa ko pang naiisip eh..
posible kayang panibagong scam lang yun para sa mga cellphone users..?
baka kako katulad lang nung mga anonymous texters na nagkukunwaring may gustong ipadala sa kung sino man ang ma-target nila..
at kung 'oo', eh sa paanong paraan kaya naman yun magagamit sa scam nung mga pesteng caller na yun..?

Hindi ko Maisip kung saang Category siya Nararapat

naalala ko lang..
last June 28..
noong papauwi na ako sakay ng jeep...

may nakasabay akong isang mabokang mukhang mas bata pa kesa sa akin na lalaki..
ka-tipo niya yung batang Aeta (yata yun) na sumali dati sa Talentadong Pinoy at PGT..
nakaupo sila nung kausap niyang babae sa dulo ng jeep, sa may bungad..
ako naman ay nagdi-diretso sa kabilang dulo, malapit sa driver..
dahil nakasanayan ko nang sa ganung banda umupo para hindi ako nakakaistorbo ng ibang pasahero kapag magbabayad na ako...

noong nakaupo na ako..
biglang lumapit yung bata at nakisabay sa pagbabayad ko..
tas biglang nagtanong sa akin..
"sa call center po ba kayo nagta-trabaho?"..
ang sagot ko naman eh "hindi" (bale sa buong buhay ko, pa-tatlong beses na yun na may nagtanong sa akin kung sa call center ba ako nagta-trabaho, siguro dahil sa buhok ko)..
mukha ba talaga akong taga-call center..?
anyway..
itinuloy niya yung interview niya..
"saan po ba kayo nagta-trabaho? para po kasing pamilyar kayo sa akin?"..
napaisip tuloy ako, are ga kaya'y modus? eh ano naman kayang klase ng gimik are..?
sinagot ko tuloy siya "ah.. hindi kasi nagta-trabaho"..
"hindi po kayo nagta-trabaho..!?" ang parang nagulat niyang reaksyon..
tapos nagdagdag na naman siya ng tanong, "eh bakit po ayaw nyong magtrabaho kuya?"..
(in fairness, marunong naman siyang gumalang at hindi niya ako napagkamalang babae pati..)
dineretsa ko tuloy ang makulit na bata ng sagot na "ayoko eh"..
nagtanong pa rin siya, "hindi nyo lang siguro tipo yung ganun.. eh business po, baka naman may business po kayo..?"
talagang napapaisip na ako noon, ano ba talaga ang gustong palabasin ng feeling close na batang 'to..?
sinagot ko pa rin siya, "ah.. parang ganun na nga..."..
tas talagang c-in-areer na niya yung interview niya sa akin, "ano pong business?"..
naisip ko tuloy na sumusobra na siya para alamin pa yung nature nung business na hawak ko..
sabi ko tuloy eh "hindi ko pwedeng sabihin eh"..
tas siya naman eh, "ah, ganun po ba, curious lang po ako, eh kasi ayoko rin naman pong maging habambuhay na lang na ***** (hindi ko masyadong na-gets yung word), kaya baka naman po may maibibigay kayo sa aking mga tip o advice..?"..
sabi ko tuloy eh "naku, hindi naman ako magaling sa mga ganyan"..
tapos talagang parang pursigidong-pursigido siya, "ganto na lang po, may number po ba kayo, baka naman po may number kayo na pwede kong i-text??"..
tas sabi ko na lang eh, "naku, hindi na"...

mga ilang saglit rin siyang nanahimik..
eh parami na nang parami yung sakay nung punuang jeep na nasakyan ko..
tapos hindi pa rin siya umaalis dun sa upuan sa tapat ko..
maya-maya eh humirit na siya ng last offer niya..
"ah ganito na lang kuya, iiwanan ko na lang sa inyo yung number ko, tapos kung sakaling may time kayo, i-text nyo na lang ako.."..
aba't anak are ng puta, uutusan pa ako!?
eh sarili ko ngang buhay eh sira-sira na, tas hihingan pa niya ako ng payo..
basta sabi ko na lang eh, "naku, hindi na, hindi talaga ako magaling sa mga ganyang bagay.."..
matapos nung sagot kong yun eh nagpaalam na rin siya sa wakas at bumalik na dun sa katabi niyang babae...

minsan nakaka-buwiset din yung mga ganung klase ng tao..
basta-basta ka na lang kakausapin..
at tungkol pa sa mga bagay na wala ka rin namang alam...

ang lesson nung story..
hindi lahat ng lalaking naka-formal attire eh successful na professional..
kung successful ako, edi hindi na sana niya ako nakasabay pa sa jeep lalo't medyo nakabihis ako noon..
at ang isa pang lesson eh..
huwag basta-basta magtitiwala sa mga taong nagke-claim na kakilala ka nila o na pamilyar ka sa kanila...

Dapat Tama!

hindi sa akin itong video ha...



"sa MASAMA natin ITAMA ang MALI.."
joke lang, 'sama-sama' talaga yung lyrics nun...

maganda yung mensahe ng mga ganitong kanta..
pero sayang lang..
dahil halos imposible ang pagbabago..
kasi..
mas likas na sa mga tao ang maging masama..
lalo na nung naimbento ang sistema ng pananalapi..
natural na sa kanila ang magdamot at mangamkam para sa mga sarili nilang kapakinabangan, at para na rin sa mga tao lang na pinahahalagahan nila...

kung gusto talaga ng mundo ng pagbabago..
siguro kakailanganin munang ma-extinct nang halos lahat ng matatanda at malalaya nang mag-isip na mga tao..
mga baby na lang ang matitira, yung mga inosente at walang alam tungkol sa kasamaan ng buhay..
tsaka siguro ilang mga nakatatanda na posibleng maging role model sa bagong henerasyon ng sangkatauhan, at magpapalaki dun sa mga bata..
baka sa ganun lang na paraan posibleng magbago pa ang mundo...

Buwis sa Online Selling?

sandali nga..
balak bang patawan ng buwis ng BIR (Bureau of Internal Revenue) ang mga bagay na binebenta online?
ibig bang sabihin titirahin rin nila ang ebay??

hindi ko pa sigurado yung buong detalye..
narinig ko lang kasi sa balita kagabi..
yung mismong term na ginamit eh 'online shopping'..
kaso base sa comment nung isang buyer na na-interview eh parang online buy-&-sell community in general yung tinutukoy nya?
ang komento nya kasi ay maganda nga daw kung ire-regulate din ang mga online stores para masiguro na yung mga legitimate at authentic lang na sellers ang matitira para na rin sa proteksyon ng mga buyers...

pero ang punto ko eh..
paano naman yung mga nagbebenta lang ng mga second hand na produkto?
yung mga gusto lang magdispatsa ng mga bagay na hindi na nila nagagamit?
o kahit anong pwedeng ibenta na hindi naman commercial in quantity?
sisikilin ba na naman nila yung kalayaan ng mga tao??

ang taxation ang isa sa mga bagay na hindi ko lubos na maintindihan..
para ngang isa sya sa mga bagay na pumapatay talaga sa mga tao..
raw products pa lang binubuwisan na ang mga bagay-bagay..
kapag ibiniyahe ang mga yun may buwis din..
lahat ng resources na magagamit sa pagproseso ng mga yun may buwis din..
kapag ibinenta na may buwis din..
kapag na-convert na sa panibagong produkto may buwis na naman..
yung iba nga eh may buwis pa pati yung mismong pagkonsumo gaya na lang sa mga fastfood restaurant at ngayon eh yung sin tax..
paulit-ulit lang yung proseso..
gusto ba talaga nila na kikita sila ng pera sa tuwing may item na malilipat ang pagmamay-ari??

hindi ko pa talaga alam kung ano nga ba ang mangyayari..
pero sana naman magkaroon naman sila ng konsiderasyon..
yung mga active sellers na lang ang buwisan nila..
yung mamahaling mga items tulad ng mga electronic gadgets ang ibinibenta..
o yung commercial in quantity yung dating ng mga transaksyon...

walandyong buhay are..
kaya yata hindi pa rin ako naa-approve sa paggamit ng selling feature ng ebay eh...T,T

Gas Stove Heat Amplifier & Death of a Budgie

para sa public interest..
kamakailan ko lang napansin ang kakayahan ng device na 'to..
hindi ko alam kung ano talaga ang tawag dito..
pabilog siya na bakal na may metal wire na pinaikot-ikot sa loob nung bilog na bakal na parang sapot ng gagamba, tapos ipinapatong siya sa kalan para mag-absorb at mag-emit ng init at the same..
bale ina-absorb niya yung init na mula sa apoy ng gas stove tapos ie-emit rin niya na parang nagbabagang uling...

ang napansin ko eh mas mabilis siyang makaluto (particularly tuwing nagsasaing ako ng bigas)..
usually naiiwanan ko yung pagsasaing ko habang nanonood ng 30-minute na programa, at nakakailang segment ako bago ako makatapos ng pagsasaing..
pero kapag gamit ko yung device na 'to.. halos isang segment lang nung programa ang napapanood ko pa lang eh halos paluto na yung kanin..
ang totoo nga nyan eh dalawang beses na akong nakasunog ng kanin dahil naiwan ko sa kamay ng kagamitan na 'to..
basta ganung kabilis lang, kailangan lang i-check kung bumulak na, tapos sa unang commercial nung programa hinaan ang apoy para sa pag-in-in, at dahil medyo energy efficient rin yung gamit naming kaldero, hihintayin lang na mawala yung tubig tas pwede nang patayin yung stove at hayaang yung kaldero na ang umin-in dun sa kanin...

---o0o---

at bad news para sa akin..
kamakailan lang nagka-itlog na for the first time yung mga budgie ko, ever since mapunta sila sa poder ko..
kaso nagka-problema yung babae, at nagkaroon siya ng prolapsed cloaca, kung saan yung tissue o muscle o kung ano man yun na nagho-hold at magtutulak sana dun sa itlog palabas ng katawan niya eh lumabas rin at bumulwak sa may puwitan niya..
mukhang meron pa siyang ibang itlog na kailangang lumabas..
usually, dapat every other day ang pangingitlog nila hanggang sa maiitlog na lahat, kaso ilang araw na siyang atrasado sa schedule..
sinubukan ko siyang tulungan..
pero kanina lang eh bumigay na yung katawan niya at natagpuan ko siyang patay sa pugad nila..
mukhang sinubukan pa niyang ilabas yung itlog na nasa loob ng katawan niya, pero hindi na niya kinaya..
at yung ang masaklap na istorya ng first budgie family ko sana...

isang malaking patunay na lahat ng maugnay sa akin ay nadadamay lang sa mga kamalasan ko sa buhay...

More Crimes in the Philippines..?

mahilig ba kayong manood ng balita?
natanong ko lang kasi lately, parang masyado nang nakakabagabag ang mga nababalitang paglaganap ng krimen sa buong bansa - andyan ang iba't-ibang klase mula sa tila mga simpleng kaso lang ng snatching, hanggang robbery, hanggang assassination na ginagawa ng mga riding in tandem, hanggang sa pinakamalalang parang mga trip lang na brutal na pagpatay na talagang sinadya pang kunan ng video...

ewan, hindi ko na rin masabi eh..
may mag pagkakataon dati na iniisip ko na may mga lugar naman dito sa Pilipinas na matuturing na ligtas, lalo na kapag may mga nababalitang kalamidad sa ibang panig ng mundo - gaya ng pananalanta ng mga tsunami, malalakas na lindol, malalakas na bagyo, forest fire, at mga tornado o cyclone o kung ano pa mang mas tamang term..
isama na rin yung mga digmaan at rebelyon na parang ordinaryo na lang sa ibang bansa..
dati kapag naiisip ko ang mga yun, naiisip ko na siguro nga mas ligtas pa rin dito sa ilang lokasyon sa bansang 'to kahit na papano...

pero sa mga nababalita nga sa mga panahon ngayon, parang mas nakakatakot na rin na manatili pa dito..
ni hindi mo masabi kung bunsod lang ba yun ng mas pinabilis na daloy ng mga impormasyon at balita dulot ng patuloy na pag-unlad ng teknolohiya, kung kaya't mas marami na ang mga nababalita kaagad na krimen partikular na sa telebisyon...

andyan pa ngayon yung promotion ng turismo sa bansa..
kapag may mga magagandang lokal na pook-pasyalan na unti-unting nakikilala, sasabihin na 'It's More Fun in the Philippines'..
kapag may mga mabubuting tao na related sa tourism ang may nagawang maganda o mabuti para sa iba - gaya ng pagsasauli ng naiwan o naiwalang gamit o pera ng mga tourista, sasabihin pa rin na 'It's More Fun in the Philippines'..
pero paano naman yung isyu tungkol sa seguridad..
ilang mga foreigners na rin naman ang napahamak, na-kidnap, at napatay dahil sa pagtuntong dito sa bansa..
although hindi ko naman kino-conclude na yung pagiging foreigner nila ang mismong dahilan kung bakit sila nadamay sa mga ganung trahedya, eh siguro misconception o overgeneralization na lang yun ng iba na basta banyaga eh automatic na mayaman..
pero ano na ba ang nagawa ng gobyerno para dito, para paigtingin ang seguridad sa loob ng bansa hindi lang para sa mga tourista kundi para na rin sa sarili nitong mga mamayanan?

snatching, theft (sa mga bahay o grocery store), pagnanakaw ng mga kasambahay, carnapping, robbery holdap (kahit sa loob ng mga mall), suicide at murder (kahit sa loob ng mga mall), massacre, rape, physical abuse, fraud, pag-clone ng credit cards, murder, kidnap for ransom, riding in tandem, patayan kaugnay ng eleksyon, budol-budol, patayan kaugnay ng hazing partikular na sa mga fraternity, mga samu't-saring gimik para makapambiktima sa mga pampublikong lugar, mga krimen na kinasasangkutan ng mga minor de edad, at kung anu-ano pang kombinasyon ng mga nabanggit na pamamaraan..
andyan rin ngayon yung pinakabagong paraan kung saan hindi mo mawari kung sinong paniniwalaan dahil binabaligtad ng mga taong involved ang mga pangyayari - kidnapping ng baby na sinadya 'daw' para lang matakasan ang mga bayarin sa ospital pero na-settle naman nung inaakusahan ng pag-iimbento ng kuwento yung mga bayarin nya; o di kaya yung minaltratong katulong na hindi mo na mawari kung talaga nga bang namaltrato o kung yung kamag-anak nga ba ang may gawa o sinadya lang para may makuha sa kanyang amo?

eh sino pa ba ang mapagkakatiwalaan sa panahon ngayon para lumutas sa mga problemang yan ng lipunan..
eh kung sa hanay nga mismo ng sangkapulisan eh may mga tarantadong gumagawa ng krimen..
di bale sana kung ang kaso lang nila eh i-salvage lahat ng kriminal - edi sana nakatulong pa silang maubos ang mga gumagawa ng krimen..
pero sila mismo gumagawa nung mga mapaminsalang gawain para sa kapwa..
pangongotong, pagpatay gamit yung baril na pinagkaloob sana sa kanila para magawa nang ayos ang kanilang tungkulin sa bayan, pagbibigay ng proteksyon sa mga kriminal, kidnapping at kung anu-ano pang kalokohan..
pati naman sa mga opisyal at empleyado ng gobyerno eh hindi rin lahat maaasahan..
andyan ang korupsyon, red tape, katamaran..
tila wala nang malusutan sa mga dapat na naglilingkod sa bayan na gaya nila...

hay... kung meron lang sanang paraan para matiyak na lahat ng maluluklok sa katungkulan, sa kapulisan man o sa gobyerno, eh gagawa nang matino..
kung lahat na lang sana ng krimen eh pwedeng parusahan lang ng either habambuhay na pagkabilanggo o kamatayan gaano pa man yun kabigat..
kung ang batas lang sana ay hindi na pumipili ng tamang edad na kaya nyang parusahan..
kung hindi na lang sana nakakalaya yung mga taong sanay nang gumawa ng kasamaan mula sa mga kulungan..
kung hindi lang sana pino-protektahan ng Commission on Human Rights at iba pang sektor ng lipunan yung mga karapatan 'daw' ng mga kriminal na yun, na kung tutuusin eh sila itong naunang bumalewala sa karapatan nung mga taong biniktima nila sa kung ano mang paraan..
kung pwede lang sanang alipinin na lang yung mga pesteng mga yun sa mga nalalabi nilang panahon sa mundo - sapilitan silang pagsakahin, pagawin sila ng mga trabahong posibleng mag-boost ng agrikultura ng bansa o di kaya naman eh pagbantayin sila ng mga teritoryong pilit inaangkin ng mga dayuhan (tutal mga sanay naman silang pumatay eh)..
kailan kaya mamumulat ang bansang ito na hindi na talaga applicable yung makaluma nyang paraan ng pagpaparusa at paglaban sa kriminalidad?
kailangan pa bang maghintay pa na prominenteng mga tao ang mapahamak para lang ma-realize nila yun?
o kailangan pa bang yung mismong mga nasa katungkulan o ang mga kaanak nila ang malagay sa delikadong sitwasyon bago nila maunawaan nang tuluyan ang tunay na kahalagahan ng seguridad para sa lahat..?

Agricultural Alternative para sa mga Informal Settler??

isa sa mga problema ng bansang ito ang sandamakmak na informal settlers o sa madaling salita ay mga -  iskwater..
hindi naman sa pangmamaliit, pero kaakibat nila ay marami ring problema para sa gobyerno at mga komunidad na kinaroroonan nila..
andyan yung mas pagdami ng mga basura na madalas ay sa maling lugar pa itinatapon, pag-okupa sa mga natural na daanan ng tubig o baha lalo na sa NCR, poverty-related crimes, problema sa agawan sa lupa, at isama na rin natin yung pagkakaluklok sa posisyon nang hindi mabubuting opisyal ng gobyerno dahil sa lakas ng boto o suporta na nakukuha o nabibili sa sektor ng lipunan na ito..
sa totoo lang kaya ako mas nababagabag sa paksang ito sa ngayon ay dahil sa lumalaking bilang ng mga iskwater sa lugar namin, na ikinakatakot ko kasi ayoko namang matulad sa NCR ang bayan na kinalakhan ko nang dahil lang sa walang habas nilang paglipat...

ang hindi ko naman maintindihan sa mga yan, eh illegal settlers nga sila eh bakit ganun na lang sila maka-claim ng mga area na tuwing pinaaalis na sila ng totoong may-ari eh madalas humahantong pa sa mga batuhan at sakitan kung saan sila pa yung nagmumukhang kaawa-awa?
ang punto ko eh, yung ibang tao naman dyan eh nagsusumikap na makabili ng lupa't bahay o umupa man lang ng matitirhan.. kaya nasaan yung pagiging patas dun?? may mga taong nagpapakahirap na magkaroon ng mga sariling bahay pero ang iba naman ang gusto eh sa gobyerno na lang iasa ang lahat.. eh saan ba galing mostly yung pera ng gobyerno eh di ba't dun din sa mga taong nagpapakahirap nang magtrabaho tas kinakaltasan pa ng buwis.. wala namang masyadong buwis na nakukuha sa mga iskwater di ba? kaya kung sino pa yung gumagawa ng tama, eh parang sinasalo pa nila yung mga gumagawa ng mali..
hindi naman sa pagmamaramot, pero hindi lang talaga mukhang patas yung ganun..
tapos kapag ire-relocate sila ng lugar eh sila pa ang choosy? eh saan ba nila gusto, sa 5 star hotel??

ang tanong ko ngayon?
wala bang batas na puwedeng pumigil sa mga gawain ng illegal settlers?
lilinawin ko lang, hindi naman ako tutol dun sa mga taong lumuluwas mula sa kanilang mga probinsiya para makipagsapalaran sa mas maunlad na mga lugar provided na gagawin nila yung tama..
umupa sila ng bahay o bumili, kahit na ano basta hindi ilegal..
wala naman kasi talagang masama sa pangangarap para sa isang mas magandang buhay..
mabalik naman dun sa batas..
siguro yung purpose ay para nga maiwasan nga yung mga problema na kaakibat ng pagkakaroon ng mga iskwater, para naman kasing mga pulitiko lang yung nakikinabang sa existence nila eh...

kung iisipin, posible bang mga iskwater na sila simula't sapul?
o baka naman mga probinsiyano na nanggaling sa mga kanayunan at tinamad na lang na mag-alaga ng mga bukirin nila?
ewan ko lang ha, pero bakit kaya hindi na lang sila ibalik ng pamahalaan sa mga probinsiya, sa mga agricultural land tas doon bigyan ng hanapbuhay..
tutal gipit naman ang bayan sa mga agricultural products tas nasapawan na rin tayo ng ibang bansa pagdating sa eksportasyon ng mga ganitong produkto..
kaya bakit hindi na lang gawing mga magsasaka ang sektor na ito ng lipunan?

• i-train sila sa mga makabagong paraan ng pagsasaka para mas maging productive
• bigyan sila ng sweldo para kahit hindi panahon ng anihan o sa panahon ng mga bagyo ay may kita pa rin sila doon na rin sila patayuan ng libreng pabahay
• bigyan sila ng pinansyal na tulong para sa pag-maintain ng mga sakahan
• turuan sila ng ibang pang mga industriya na related sa agriculture gaya ng paghahabi, iba pang handicraft, paghahayupan, etc.
• patayuan sila ng mga paaralan para sa mga kabataan
• kung gusto naman ng estudyante, ay luminang na rin ng mga posibleng maging agricultural experts mula sa kanilang hanay
• kapag lumakas na yung industriya ay turuan at suportahan na rin sila para makapag-export

tas, kumuha na lang siguro ng porsyento ang pamahalaan na parang siyang magiging buwis nung komunidad na yun..
tsaka dapat siyempre i-monitor rin nila yung gawain dun, baka naman kasi pagkakalooban mo nga ng lupang sakahan tas ipagbibili rin naman agad nila para lumuwas na ulit sa ibang lungsod..
hindi naman kasi lahat ng magandang trabaho ay sa pook urban lang makukuha o sa office work..
basta may tiyaga, pwedeng umasenso..
sa ganitong paraan manunumbalik na muli ang agricultural man power sa bansa tas matutulungan pa ang mga informal settlers na matutong tumayo sa sarili nilang mga paa at posibleng makabuo pa sila ng isang matatag na industriya...

kung tutuusin baka pwede na rin ngang isali na dito yung mga batang palaboy para habang maaga ay matuto na sila tungkol sa kahalagahan ng industriya ng agrikultura para sa isang bansa..
pwede rin sigurong ganito na rin yung gawing parusa sa mga bilanggo - ang gawin silang mga magsasaka, magba-baboy, etc., para naman hindi na lang sila puros asa sa pamahalaan...