K-ture: Moon Embracing the Sun (End of Teenagers Arc)

bago ko tuluyang tapusin yung review ko para sa timeline ng mga bagets..
heto muna ang isa pang patawa pero cute rin naman na character..
si Prinsesa Min Hwa, na kapatid ng itinakdang prinsipe na si Lee Hwon..
yan, kitang-kita sa mga picture na yan kung gaano ka-cute yung patawa at isip bata nyang acting..
dahil sa sobrang pagkahumaling nya kay Scholar Ho na kapatid ni Yeon Woo, nagamit syang dahilan ng Inang Reyna upang ipasailalim si Yeon Woo (na noon ay napili na bilang itinakdang prinsesa at reyna para sa hinaharap) sa isang matinding karamdaman bunga ng itim na kapangyarihan na isinagawa ng Punong Babaylan na si Lady Jang (na sa totoo naman ay kakampi talaga at tagapagligtas ng itinakdang prinsesa).. bilang kapalit, sinabi ng Inang Reyna na matutupad rin ang kagustuhan ng kanyang apo na makatuluyan si Scholar Ho pero kapalit naman nito ang pagpapasan ng kasalanan ng pagpapakulam sa kapatid ng kanyang pinakamamahal na lalaki - mga mahaharot talagang kabataan..
sa pagtanda nya, cute pa rin sya at patawa at nanatili sa kanya yung pagiging isip bata nya...

bilang update..
hindi naman talaga namatay si Yeon Woo, nakaisip si Lady Jang ng paraan para mabigyan sya ng isang gamot na tila papatay sa kanya for a certain period of time pero mabubuhay rin naman siya..
naiahon siya sa puntod nya sa tamang oras..
dumating rin noon sa kanyang puntod ang matalik nyang kaibigan na si Seol na tila pinagmalupitan ng bago nyang amo..
dahil doon dalawa na silang bagong ampon ni Lady Jang (bukod pa yung dati na nyang ampon na bata na iniligtas ni Prinsipe Yang Myung)..
nang magkamalay na si Yeon Woo, wala na syang maalala tungkol sa kanyang nakaraan, na hindi ko masabi kung talagang sanhi ba nung gamot na ipinainom sa kanya o kung naging komplikasyon lang ba..
ginamit ni Lady Jang yung pagkakataon para sabihin na isa syang itinakdang babaylan, dahilan kung bakit kailangan nyang kalimutan na ang kanyang nakaraan...

at ayun na nga, kahapon lang natapos na yung yugto ng mga teenagers..
naipakilala na rin ang bagong mga mukha nina Lee Hwon (na ngayon ay hari na) at nang napangasawa nyang si Bo Kyung mula sa kampo ng mga kalaban sa pulitika...

sa kalahatan, naging maganda naman yung arc nung mga bata..
pa-cute, na cheesy, na nakakatawa, pero andun pa rin yung mga emosyon..
sa sobrang ka-cutan nung mga batang bida eh naging matagumpay yung pagganap nila sa kanilang mga papel...

magiging nakaka-miss yung mga character ng mga batang Yeon Woo at Seol..
yung itsura at height kasi nila eh bagay na bagay na maging mag-tropa...

another view of Seol..
nga pala..
kahit isang babae si Seol, interesado sya sa sining ng espada..
minsan na syang nahuli ni Scholar Ho na nagsasanay at humanga yung binata dito..
siguro ang rason kung bakit tinakasan nya ang bago nyang amo para pumunta sa puntod ni Yeon Woo ay dahil sa kanya ibinilin ni Scholar Ho ang nakababata nyang kapatid..
sa muling pagkabuhay ni Yeon Woo, labis namang ikinalungkot ni Seol ang pagkawala ng mga alaala nito..
sa kasalukuyan siya lang talaga ang lubos na nakakakilala sa tunay na katauhan ng kanyang matalik na kaibigan...

at are pala ang isa pang cute na adult version..
si Jan Shil..
siya yung batang puwersahang ginawang manghuhula dati ng mga manggagantso, tas iniligtas siya nina Prinsipe Yang Myung at Lady Jang, at eventually ay inampon na ni Lady Jang..
cute syang ngumiti, mahilig mambasag trip, at may pagka-madaldal..
isang interesting development tungkol sa character nya eh mas bata siya kumpara kina Seol at Wol, pero sa pagtanda nila parang mas natangkaran pa niya yung dalawang mga ate nya..
sa picture na yan, medyo katulad pa ng hair style nya yung buhok nya nung bata pa sya..
pero later on, magpupuyod na sya na tingin ko ay less attractive...


Yeon Woo ang tunay na pangalan ng itinakdang Buwan, na nangangahulugan daw na malumanay na ulan o ambon..
pero sa muli nyang pagkabuhay, pinangalanan siya ng Hari na Wol, na nangangahulugan na buwan...

K-ture: Moon Embracing the Sun (Teenagers Arc)

Moon Embracing the Sun..
bale mukhang nagugustuhan ko yung simula ng istorya nya dahil sa ilang rason..
una dahil ang ku-cute nung mga bagets na cast..
ang mga mahaharot na teenager, haha:

si Kim Yoo Jung na gumanap na 13 year old Yeon Woo (siya ang pangunahing Moon, ang bidang babae)..
sobrang cute ng mabibilog nyang mga mata na punung-puno ng emosyon..
i'm not sure kung lalaki sya bilang isang sobrang gandang artista, pero sa ngayon sobrang cute nya..
nakadaragdag din sa ka-cutan nya yung munti nyang mga labi at yung mga taling sa ilalim ng kaliwa nyang mata at isa pa sa kanan nyang pisngi...

si Jung Il Woo as adult version ni Prinsipe Yang Myung (ang ikalawang Sun, bidang mala-kontrabida)..
gusto ko yung character nya dito..
mas nagmarka lang saken yung aktor na si Jung Il Woo kasi una ko syang nakilala sa Korean TV comedy series na High Kick bilang Simon Lee (Tagalog Dubbed)..
sa istorya nung High Kick - astigen siya, marunong makipag-away, delingkwente na mala-rebelde sa pamilya, hindi magaling sa pag-aaral, chickboy pero yung mga na-relate sa kanyang mga chicks eh puros may kani-kanilang klase ng topak..
halos parang ganun rin ang papel nya sa Moon Embracing the Sun - mahina sa pag-aaral, magaling makipaglaban, itinuturing na hindi deserving para sa korona ng hari, at sawi sa love life..
nakakaawa yung character nya.. isang mabuting tao na medyo naging kontrabida o karibal dahil sa pag-ibig...

isa pa si Suh Ji Hee as batang Seol..
nasa picture rin yung adult version nya (right) na medyo nahahawig nga dun sa batang siya..
kasambahay siya ng pamilya nina Yeon Woo at tumatayong alalay nya, pero itinuturing siya ng munting binibini na isang matalik na kaibigan..
parehas silang cute.. pero mas nag-marka yung character nya para sa akin nung time na pinagbintangan siya na magnanakaw.. pinagulpi siya ni Bo Kyung (ikalawang Moon at kontrabida) sa mga nakatatandang lalaki, may pamalong kahoy yung isang lalaki tas ginulpi sya hanggang maputlang-maputla na at duguan na ang mukha't mga labi..
dumating nun si Yeon Woo para tulungan ang kaibigan nya at inuwi nya ito sa bahay nila para gamutin..
pero sa kabila nun, walang napatunayan o hindi na-klaro yung insidente nang pagnanakaw, na ang totoo naman kasing nangyari  ay nahulog lang nung katiwala ni Bo Kyung yung lalagyan nya ng pera at si Bo Kyung din ang nakapulot nito, pero dahil nabangga siya ni Seol dahil sa pagmamadali nito, naisip ng malditang maharlika na pagkakataon yun para makaganti kay Seol dahil sa aksidente ngang pagkakabangga nito sa kanya...

ang huli kasi nakakatulong yun para ma-explore yung historical culture ng Korea, na interesante para sa akin..
gaya ng mga ipinagbabawal na gawain para sa itinakdang prinsipe na magiging susunod na hari, mga kaugalian kaugnay sa pagpapakasal ng mga dugong bughaw, pagtrato sa mga kasambahay, kaibahan ng edukasyon para sa mga lalaki at babae, etc...

Shakey's V-League: Season 9, 2nd Conference

nagsimula na pala ang 2nd Conference ng V-League, at Open Conference sya..
6 teams lang ang maglalaban-laban:

• ADMU
• FEU
• Cagayan Valley
• Sandugo
• Philippine Army
• Philippine Navy

akala ko 4 yung bago sa paningin ko pero 2 lang pala - Philippine Army at Philippine Navy..
ang Cagayan Valley pala ay mga taga-Perpetual rin..
at ang Sandugo naman ay San Sebastian College - Recoletos..

yung dati kong team na FEU, eh although na-miss ko naman yung mga bagets nila (sina Basas, Baniel, etc) eh parang masyadong balasado ang line-up nung first game..
at naglalaro para sa kanila ngayon ang commentator/analyst na si Ivy Remulla..
pero ang bad news - walang #14 Eve Sanorseang...T,T (kaya hindi muna ako maka-FEU ngayong conference)

si #13 Rachel Daquis sa Philippine Army naglalaro sa halip na sa FEU.. at mas slim sya ngayon.. ang astig pa rin ng manipis nyang ponytail.. sayang talaga at hindi sila nagkasama ni Eve sa isang team (dati)..
kasama rin nya ang mga Carolino, #4 Mayeth at #9 Michelle.. astigen yung buhok ni Michelle sa bandang likod, makapal na maliliit na naka-flyaway, parang leon..
at andami pang mahuhusay na veteran, mala-all-star rin yung line-up nila...

ang ADMU na champion last conference eh may talo na kaagad..
pero susuportahan ko pa rin si #5 Mae Tajima kahit papano since sobrang cute nya sa video nila ng 'Call Me Maybe'...

ang Cagayan Valley nga eh Perpetual rin lang..
kaya maaasahan na may cute na player na naman na maglalaro sa court gaya na lang ng Libero nilang si #3 Dionela...

at ang pinaka-ikinagulat ko ay ang Sandugo na SSC-R rin pala..
akala ko talaga wala nang super MVP #7 Jang Baulee ngayong conference..
wala pa akong napanood na game nila kaya hindi ko pa sigurado kung accurate yung line-up sa site ng V-League..
pero base sa nakalista dun, meron silang Utaiwan-Jang-Thai-GP-combo bukod pa dun sa regular na palaban na line-up na ginamit nila last conference para masungit ang 3rd place..
sa ngayon, leading na sila with 2 wins...

pwedeng mapanood yung delayed telecast ng mga games sa AKTV sa IBC13 (not so sure about the schedule, pero nakapanood na ako nung isang Sunday at Tuesday yata yun)..
for more details heto ang official website ng Shakey's V-League:
http://www.v-league.ph/

Agricultural Alternative para sa mga Informal Settler??

isa sa mga problema ng bansang ito ang sandamakmak na informal settlers o sa madaling salita ay mga -  iskwater..
hindi naman sa pangmamaliit, pero kaakibat nila ay marami ring problema para sa gobyerno at mga komunidad na kinaroroonan nila..
andyan yung mas pagdami ng mga basura na madalas ay sa maling lugar pa itinatapon, pag-okupa sa mga natural na daanan ng tubig o baha lalo na sa NCR, poverty-related crimes, problema sa agawan sa lupa, at isama na rin natin yung pagkakaluklok sa posisyon nang hindi mabubuting opisyal ng gobyerno dahil sa lakas ng boto o suporta na nakukuha o nabibili sa sektor ng lipunan na ito..
sa totoo lang kaya ako mas nababagabag sa paksang ito sa ngayon ay dahil sa lumalaking bilang ng mga iskwater sa lugar namin, na ikinakatakot ko kasi ayoko namang matulad sa NCR ang bayan na kinalakhan ko nang dahil lang sa walang habas nilang paglipat...

ang hindi ko naman maintindihan sa mga yan, eh illegal settlers nga sila eh bakit ganun na lang sila maka-claim ng mga area na tuwing pinaaalis na sila ng totoong may-ari eh madalas humahantong pa sa mga batuhan at sakitan kung saan sila pa yung nagmumukhang kaawa-awa?
ang punto ko eh, yung ibang tao naman dyan eh nagsusumikap na makabili ng lupa't bahay o umupa man lang ng matitirhan.. kaya nasaan yung pagiging patas dun?? may mga taong nagpapakahirap na magkaroon ng mga sariling bahay pero ang iba naman ang gusto eh sa gobyerno na lang iasa ang lahat.. eh saan ba galing mostly yung pera ng gobyerno eh di ba't dun din sa mga taong nagpapakahirap nang magtrabaho tas kinakaltasan pa ng buwis.. wala namang masyadong buwis na nakukuha sa mga iskwater di ba? kaya kung sino pa yung gumagawa ng tama, eh parang sinasalo pa nila yung mga gumagawa ng mali..
hindi naman sa pagmamaramot, pero hindi lang talaga mukhang patas yung ganun..
tapos kapag ire-relocate sila ng lugar eh sila pa ang choosy? eh saan ba nila gusto, sa 5 star hotel??

ang tanong ko ngayon?
wala bang batas na puwedeng pumigil sa mga gawain ng illegal settlers?
lilinawin ko lang, hindi naman ako tutol dun sa mga taong lumuluwas mula sa kanilang mga probinsiya para makipagsapalaran sa mas maunlad na mga lugar provided na gagawin nila yung tama..
umupa sila ng bahay o bumili, kahit na ano basta hindi ilegal..
wala naman kasi talagang masama sa pangangarap para sa isang mas magandang buhay..
mabalik naman dun sa batas..
siguro yung purpose ay para nga maiwasan nga yung mga problema na kaakibat ng pagkakaroon ng mga iskwater, para naman kasing mga pulitiko lang yung nakikinabang sa existence nila eh...

kung iisipin, posible bang mga iskwater na sila simula't sapul?
o baka naman mga probinsiyano na nanggaling sa mga kanayunan at tinamad na lang na mag-alaga ng mga bukirin nila?
ewan ko lang ha, pero bakit kaya hindi na lang sila ibalik ng pamahalaan sa mga probinsiya, sa mga agricultural land tas doon bigyan ng hanapbuhay..
tutal gipit naman ang bayan sa mga agricultural products tas nasapawan na rin tayo ng ibang bansa pagdating sa eksportasyon ng mga ganitong produkto..
kaya bakit hindi na lang gawing mga magsasaka ang sektor na ito ng lipunan?

• i-train sila sa mga makabagong paraan ng pagsasaka para mas maging productive
• bigyan sila ng sweldo para kahit hindi panahon ng anihan o sa panahon ng mga bagyo ay may kita pa rin sila doon na rin sila patayuan ng libreng pabahay
• bigyan sila ng pinansyal na tulong para sa pag-maintain ng mga sakahan
• turuan sila ng ibang pang mga industriya na related sa agriculture gaya ng paghahabi, iba pang handicraft, paghahayupan, etc.
• patayuan sila ng mga paaralan para sa mga kabataan
• kung gusto naman ng estudyante, ay luminang na rin ng mga posibleng maging agricultural experts mula sa kanilang hanay
• kapag lumakas na yung industriya ay turuan at suportahan na rin sila para makapag-export

tas, kumuha na lang siguro ng porsyento ang pamahalaan na parang siyang magiging buwis nung komunidad na yun..
tsaka dapat siyempre i-monitor rin nila yung gawain dun, baka naman kasi pagkakalooban mo nga ng lupang sakahan tas ipagbibili rin naman agad nila para lumuwas na ulit sa ibang lungsod..
hindi naman kasi lahat ng magandang trabaho ay sa pook urban lang makukuha o sa office work..
basta may tiyaga, pwedeng umasenso..
sa ganitong paraan manunumbalik na muli ang agricultural man power sa bansa tas matutulungan pa ang mga informal settlers na matutong tumayo sa sarili nilang mga paa at posibleng makabuo pa sila ng isang matatag na industriya...

kung tutuusin baka pwede na rin ngang isali na dito yung mga batang palaboy para habang maaga ay matuto na sila tungkol sa kahalagahan ng industriya ng agrikultura para sa isang bansa..
pwede rin sigurong ganito na rin yung gawing parusa sa mga bilanggo - ang gawin silang mga magsasaka, magba-baboy, etc., para naman hindi na lang sila puros asa sa pamahalaan...

Business - VMobile - LoadXtreme

bale ang loadxtreme ay parang universal loading system para sa iba't-ibang TELCO's (Telecommunications Company), kasama na rin ang iba pang loading services para sa mga bagay maliban sa call & text..
bago pa lang akong TechnoUser o Retailer ng load at chini-check ko pa kung gaano sila ka-efficient..
hindi ko naman siya tinitingnan as a scam, kasi yung retail lang naman talaga ang habol ko.. yung ibang tao naman kasi na nagke-claim na scam siya ay ay mas naka-focus dun sa Networking aspect nung business..
ang totoo, provided na may fixed amounf of incentive sa bawat recruit mo at sa bawat recruit ng mga recruits mo and so on, eh posible naman talagang kumita ang isang member ng libo-libong halaga ng piso.. kasi ang assumption naman dun sa mga pinapakitang graph o table ay magre-recruit ka ng members, tas yung mga recruit mo eh magre-recruit din, hanggang lumago nang lumago na parang malaking family tree.. bale exponential siya in nature..
pero sa mga ganung kaso, mahirap talagang mag-assume na lalago o network o branch mo nang sobrang dali...

anyway, ayun nga, sa ngayon sinusubukan ko yung retailing..
and para sa mga interesadong maging miyembro, eh are ang ilang mga bagay na dapat isaalang-alang:

Requirements para talagang masulit yung service/business:
- Puhunan (kahit less than 1000 pesos lang)
- Cellphone - kasi ili-link yung account mo sa isang cellphone number, tas pwede ring yung cellphone ang gamitin mong pang-load sa mga tao
- Computer or equivalent devices - para maka-access sa internet
- Internet Connection - sa ngayon meron sa website nilang system na magagamit pang-load sa mga tao at libre yun (though logically speaking ang bayad mo dun ay pumapasok dun sa monthly internet bill mo)
- Basic Personal Information - kailangan para ma-identify ka

Positive Notes:
- pwedeng kahit personal na gamit lang talaga, ikaw na mismo ang maglo-load sa sarili mo at a discounted price (mga nasa 8 to 10% ang discount depende sa laki ng ilo-load mo)
- pwede kang maging retailer at magbenta sa iba ng load
- iba-iba ang klase ng load na pwedeng ibenta (para sa halos lahat ng klase ng Network o service provider):

• electronic cellphone load
• cellphone prepaid card equivalents
• landline prepaid card equivalents
• internet load
• online gaming load
• cable/satellite load
• entertainment related (like ABS-CBN voting points, digital albums, etc.)

- yung load wallet mo ay pwedeng loadan through bank deposit, para sa akin pinakamaganda yung sa BDO since pwede sila after banking hours at kahit weekend (tas wala pang transfer fee sa kasalukuyan)
- walang scheduled date o limit kung kelan mo dapat makonsumo ang laman ng load wallet mo, kaya hindi ka mapu-pwersang maghanap ng customer o mag-ubos ng LX load (o yung laman ng LoadXtreme load wallet mo)
- walang contract na magbi-bind sa'yo kung hanggang kailan ka dapat maging member, kung hindi ka satisfied sa negosyong ito pwede ka nang mag-quit once na mabawi mo na yung puhunan mo para sa membership (300 pesos sa ngayon)
- kung magaling kang mag-convince ng ibang tao, pwede kang pumasok dun sa networking aspect na may incentives

Things to Consider:
- ang security o pangangala ng account details at password mo ay nasa kamay nung company
- ang pangangalaga ng account number at password mo ay nasa kamay mo rin dahil kailangan ito para ma-access mo ang iyong account, hindi mo ito dapat ipaalam o ipagkatiwala sa iba
- sa bawat paggamit nung command maging online man o through text, eh kailangan parating isama yung account number o password.. ibig sabihin dapat iwasan na mai-send sa maling number yung command, iwasang mabasa ng ibang tao ang sent items sa cellphone, at panatilihing ligtas ang computer laban sa mga hackers.. at dahil sa mga ganung bagay, inirerekomenda na dalasan ang pagpapalit ng password
- mas tipid kung maglo-load ka ng mga customer through the internet kasi walang direct charge (gaya nga ng sabi ko damay na yun sa monthly internet bill mo)
- kapag text command kasi ang gamit mo ay may 1.00 peso charge kada-text since katumbas siya ng isang regular text na dadaan sa kung anumang TELCO ang gamit mo
- yung process nung paglo-load ay dependent sa system (o network) nung TELCO o kompanya.. hindi pa ako nagka-problema dati sa paggamit ng mga prepaid cards para sa cellphone o online games.. pero gaya na lang sa electronic load, may mga pagkakataon na nade-delay o nadi-disregard yung pagproseso dahil busy o congested yung network
- yung list of products, suggested retail price (SRP), wholesale price (o yung discounted value na ikakaltas sa'yo everytime na makabenta ka ng load) ay regularly updated sa website nila kaya mahalaga talaga ang internet connection

* bagay na bagay ito sa mga tao o negosyante na magdamag na bukas ang mga computer at internet (gaya ng mga may-ari o manager ng computer shops)

K-ture: Three Brothers - The Last 10

ang entry na 'to ay related din sa mga nakaraang entry na:
http://myanythinggoesblog.blogspot.com/2012/06/k-ture-korean-drama-korean-chicks.html
http://myanythinggoesblog.blogspot.com/2012/06/k-ture-three-brothers-ayie-joo-versus.html

Anesthesia by Hwayobi..
ito ang pinaka-paborito ko sa original soundtrack nung korean tv drama..
nakakasakit kasi siyang pakinggan at talaga namang nakakalungkot...

ang last 10 episodes siguro ang masasabing highlight ng mga pagbabago sa buhay ng mga characters dun sa series..
pero siguro ang pinaka-main idea o lesson na namamayani para dun sa istorya ay ang pagiging mabuting tao at ang pagmamahalan para sa mga magkakapamilya..

sa relationship ulet nina Captain Lionel Kim at ni Ayie Joo..

matatandaan na naging magulo lang ang pagsasama nila simula nang sila'y makasal..

pero matapos makapag-isip-isip at dahil na rin sa threat ng divorce, naalaala nila kung bakit sila nagmamahalan..

ang malaking pagbabago siguro kay Lionel ay yung hindi na niya ipinipilit sa asawa ang mga bagay na gusto niya at naging mas pasensyoso at maunawain rin siya sa asawa..

sa Episode 61, birthday ni Ayie, dali-dali siyang hinanap ni Captain after ng matindi nitong mission.. binati nito ang asawa at muling ipinahayag ang pag-ibig nya para dito.. naging turning point yun para maging mas maunawain at mas mabuti si Ayie.. hindi na siya selosa at mas madali na rin natanggap ni Ayie ang pamilya ni Captain..

after masolusyunan yung mga simpleng suliranin sa hindi pagkakaunawaan, sunod naman naging problema ng mag-asawa yung tungkol sa pagkakaroon ng anak lalo na sa part ni Ayie..

Episode 64 nang sinubukan na yata nilang gumawa ng baby ni Captain..

Episode 65 nadiskubre ni Ayie na may problema siya sa sinapupunan nya, 'malamig' daw ito kaya mababa yung tsansa na makabuo siya ng baby, at ikina-depress nya 'to.. sa suporta ni Captain at sa tulong na rin ng bago nyang mommy na si Marlene, sinubukan pa rin nyang magka-baby.. sa puntong ito nya rin nakita yung pagmamalasakit sa kanya ni Marlene na naging daan para unti-unti niya itong matanggap bilang isang tunay na ina..

sa Episode 68 na-reveal na buhay pa ang totoong ina nina Ayie at Jorcel subalit matagal nang may ibang pamilya, dito tinapos na ni Ayie ang ugnayan nila para mabigyan nang daan ang lubos na pagtanggap kay Marlene.. sa parehong episode kinonsider nila ni Captain ang artificial insemination dahil na rin sa kagustuhan nyang mabigyan ng anak ang asawa..

Episode 69 nang makabuo na sila ng baby ni Captain dahil sa scientific procedure, pero may lumabas na namang mga weakness si Ayie.. dahil ayaw niyang tumaba, nagpabaya siya sa kalusugan na naging dahilan ng pagbigay ng katawan niya at nang pagkalaglag ng bata sa kanyang sinapupunan..

sa early part ng last Episode, 70, na-guilty siya sa nangyari sa first baby sana nila.. mas umikli yung pasensya niya at yung sinasabing recovery ng doctor ay idinaan niya sa sobrang pagkain.. nalaman ito ni Captain at kinausap ang asawa, sinabi niya rito na huwag na munang alalahanin ang pagkakaroon ng baby at maghintay na lang na natural itong dumating sa kanila, sinuggest nya sa asawa na ipagpaliban na muna ang pagkonsulta sa doktor, at ipinarating nya rin dito na siya yung mahalaga para sa kanya sa kasalukuyan kaya hindi na muna nito dapat isipin ang tungkol sa ibang bagay maliban sa kanila..

after ng 2 years and 5 months na timeskip, iniluwal na rin ni Ayie ang natural at panganay nilang anak ni Captain Kim na halos kasabay rin ng ikalawang anak nina Ricky at Jorcel..

isa na silang kumpleto at masayang pamilya sa puntong yun...

ang mga naging pagbabago sa main cast:

• ang dating masamang biyanan (ang pinaka-kontrabida sa serye) na si Elena Kim ay unti-unting nagbago.. isang malaking factor para dun ay ang naging desisyon ng pamilya ng manugang na si Jinky na umalis na sa bahay nila, at yung insidente kung saan inakala nilang namatay na ang asawa nitong si Reynaldo.. natuto syang magpakumbaba, maging maunawain, nagsimula ulet siyang kumilos at gumawa ng mga gawaing bahay, natuto syang tanggapin ang mga manugang at apo nya sa labas, at nagdesisyon syang gugulin ang mga huling araw nya sa mundo sa paggawa ng kabutihan at para ibahagi ang sarili para sa iba.. Episode 69 humingi siya ng tawad sa anak nyang si Ervic dahil sa hindi nya pagiging mabuting ina para dito sa kabila nang mga ginagawa nito para sa buong pamilya
• si Sgt. Reynaldo Kim na akala mo dati ay mabuti na.. matapos nyang magretiro sa serbisyo dahil sa isang iskandalo, lumabas ang mga weakness nya gaya nang kawalan ng alam sa mga gawaing bahay, yung tipong kawalan ng hiya sa harap ng iba dahil sa pagiging desperado at pagiging ma-pride.. na-scam sya dahil sa isang negosyo ng chicken restaurant, pero ang naging magandang bunga naman nun ay marami syang natutunan na bago at praktikal na mga kakayanan.. sa bandang huli nabawi nya rin yung perang nawala sa kanya, at after ng 2 years and 5 months na timeskip ay nagtatrabaho na ulet sya sa isang may kinalaman pa rin sa pagpapatupad ng batas (nag-aasikaso o nagbibigay yata ng guidance at counselling sa mga bagong laya).. isa pang naging magandang pagbabago sa kanya sa buong itinakbo nung series ay yung pagiging parang matalik nilang magkaibigan ng dating kaaway at balae na si Abmar Joo..
• Keith Kim ay unti-unting nagbago para sa lumalaki nyang pamilya, nag-adjust siya mula sa pagiging maluho at easy-going patungo sa pagiging masikap at praktikal, unti-unti rin siyang nag-adjust sa pagiging ama para sa anak ni Samantha na si James.. Episode 69 nag-sorry siya at nagsimulang magbayad ng utang sa kapatid nyang si Ervic, isa yung magandang pagbabago since matagal na syang problema ng kapatid nya
• Samantha Oh ay medyo mabagal yung progress ng character nya, kahit kasi natanggap na sa pamilya silang dalawa ng anak nya ay patuloy pa rin nyang sinisilip yung mga pagkukulang ni Keith nang hindi isinasaalang-alang ang sitwasyon, matagal rin siyang naging pasaway pagdating sa gawaing bahay kahit na siya ang asawa ng panganay na anak ng mga Kim.. sa huli ay mas naramdaman naman nya ang pagtanggap sa kanya, naging mas maaasahan na sya sa bahay, mas maunawain sa asawa, at nagpatuloy na rin siya sa kanyang pag-aaral para daw hindi siya ikahiya ng mga anak nila   
• Ervic Kim kahit na pang-asar pa rin kay Jinky hanggang sa huli ay mababakas yung tumibay nyang pagmamahal sa asawa gaya na lang kapag nagseselos siya sa mga lalaking napapalapit dito, dahil sa sinapit ng pamilya nila natuto siyang huwag sambahin ang pera, sa tulong ng asawa nabawi rin nila ang mga nawalang negosyo lalo na yung mahalaga sa kanya na sauna, pinalitan nya yung ambisyon nya na magpayaman lang sa magka-pera at malibot ang mundo   
• Jinky Do.. parang siya talaga yung pinaka-bida sa buong istorya.. nasaktan siya sa pagiging malamig sa kanya ng asawa nya at sa matinding paghihinala dito at sa kaibigan nilang si Lily, at halos ikinabaliw nya 'to.. dahil sa pagsubok na yun nalaman nya kung anong gusto nya, nag-aral sya at nagkaroon ng license sa pagiging chef.. pinili siya ng asawa kumpara kay Lily na ikinasaya niya subalit ikinawala ng mga negosyo nila dahil sa pagganti ni Lily.. dahil sa labis na pagkiling ng babaeng biyanan sa panganay nitong anak, napilitan si Jinky na umalis sa bahay at matutong mabuhay nang sila lang, sa tulong ng ina niyang si Marlene na binenta ang dati nilang bahay ay nakapagtayo sila ng restaurant na pumatok at naging successful.. kahit nakikita nya ang mga anak nya bilang pabigat hindi makakaila na mahal nya ang mga ito.. yung character nya ay matatag at madalas na tinitingnan yung bright side ng mga pagsubok kahit na gaano man 'to kasama.. malaki yung contribution ng character nya sa naging pagbabago sa mga characters nina Reynaldo, Elena, Marlene, Ervic, at Lily.. sa huli, bilang pinakamabuting manugang, sa kanya pinamana ni Elena ang wedding ring na bigay sa kanya ng biyanan nya, yun ay sa kabila ng hindi nito pagiging asawa ng panganay na anak   

ang naging final na bilang ng anak ng magkakapatid na Kim sa last episode, mula sa panganay ay magkakasunod:

• sina Keith at Samantha ay may 3
• sina Ervic at Jinky ay may 2
• at sina Lionel at Ayie naman ay nagkaroon ng 1

para sa mga supporting casts, may mga magaganda  rin na naging pagbabago sa mga buhay nila at isa rin yun sa nagpaganda sa istorya na 'to, kasi bukod sa nabibigyan ng kanilang moment yung ibang characters, nagiging instrumento rin sila para tumalakay ng iba pang topic na hindi na kayang ipasok dun sa kwento nung mga main characters..

• sina Abmar Joo at Marlene.. si Marlene natutong tumayo sa sarili nya at siguro eh nagbago na rin yung iba nyang mga anak.. halos wala namang naging problema sa dalawang 'to, maliban sa dating pagtutol ni Ayie sa kasal nila.. sa bandang huli nakasal rin sila, napatunayan ni Marlene ang pagiging mabuti nya kay Abmar at sa mga anak nito, maging yung relasyon nya kay Jinky at sa manugang na si Ervic ay naiayos rin nya.. si Abmar naman, naging maunawain at supportive lang sa mga anak at manugang nya as always
• sina Lt. Ricky Baek at Jorcel Joo na naging mabuti nang mga tala-batang characters simula pa lang nung istorya ay naging mag-asawa at nagkaroon ng dalawang anak
• si Lily o dating Chief Tae ay hindi naging maganda ang mga huling karanasan dahil na rin sa karmang bumalik sa kanya matapos nyang subukang sirain ang pagsasamahan ng mga kaibigan nyang sina Ervic at Jinky, dahil sa pakikipagsabwatan nya sa leader ng isang gang at dahil ipinahamak nya 'to sa katapusan ng trial ay tinugis sya ng mga tauhan nito para alilain.. halos naging pulubi ang buhay nya nun na puno rin nang takot.. nakatakas siya sa mga bumihag sa kanya at humingi ng tulong sa dati nyang matalik na kaibigan na si Jinky, hindi nagdalawang isip ang dating kaibigan na tulungan siya, humingi sila ng tulong sa bayaw nito na si Captain Lionel Kim at agad nitong pinadala ang team nya para arestuhin yung mga miyembro ng gang na nagbabantay sa tapat ng gusali ng kinaroroonan ng bahay ni Lily.. sa huli taos puso syang nagpasalamat sa dating kaibigan, kahit na hindi nya magawang humingi ng kapatawaran dahil sa masamang nagawa nya sa pamilya nito, nagdesisyon syang ibenta na ang bahay nya at sumunod na sa family nya sa States
• si Prosecutor Cathy Lee (hindi ko gusto ang ending nya).. Episode 63 nang pinagtatalunan siya nina Lt. Choi at Corporal Jo na ikina-badtrip ng dad niya, huwag daw siyang basta-basta magtiwala sa mga lalaki at huwag ring magpakita ng motibo.. Episode 69 nang magtapat dito ng pag-ibig si Corporal Jo, akala ko pa naman ayaw nya dun pero naging mag-asawa pala sila sa huli, siguro dahil sila na lang yung match ang height.. nahimatay daw si Chief sa kasal nila at pinagyayabang ng lalaki na pasalamat daw ang father-in-law nya dahil hindi sya tatanda nang mag-isa (magkaka-apo siguro ang ibig nyang sabihin).. Episode 66 nung mabuking ng buong team ni Captain na mag-ama sina Prosecutor Lee at si Chief
• ang dating si Corporal Jo ay na-promote sa pagiging Sergeant at mukhang nagtatrabaho pa rin bilang detective, hindi sya deserving para sa kagaya ni Prosecutor Lee, tas inaasar pa nya ang asawa nya kaya hindi sya nakakatuwa
• si Chief Lee naman ay na-assign na commissioner sa provincial station, laking pasalamat nya tuloy sa team nina Captain Kim
• si Lt. Yu ay head na ngayon ng isang local precinct (dahil na rin siguro sa kanyang edad)
• si Lt. Choi na-assign daw sa head office at active pa rin as usual
• ang totoong ama ni James na si Jericho, kahit wala nang appearance sa later episodes ay inaalala pa rin ang anak nito
• ang kaibigan ni Samantha na si Nadia at ang dating partner ni Reynaldo na si Sgt. Ji ay nagkaroon rin ng kanilang lovelife.. naging tapat si Nadia at inamin ang tungkol sa nakaraan nya kay Sgt. Ji at sinabi naman ng lalaki na wala na syang pakialam sa nakaraan nito kundi sa magiging pagsasama na lang nila sa kasalukuyan at sa hinaharap na nagsa-suggest na nagkatuluyan rin sila
• kahit yung part time worker na si Cherry sa restaurant ni Jinky ay may development rin sa istorya.. medyo may pagka-mahina ang ulo kasi ang pagpapakilala sa kanya, nag-aaral sya dati para makapasa bilang public officer, pero sa huli sa tulong na rin ng boss nyang si Jinky, na-realize nya na wala syang panama sa pagiging public officer at pinagpatuloy na lang ang pagtatrabaho sa restaurant na may pangarap na makapagpatayo rin ng sarili nyang restaurant someday
• ang panganay na anak nina Ervic at Jinky na si Harry ay patuloy na kinakitaan ng quality ng pagiging matalino at mature kung mag-isip
• si Santi naman ay halos walang naging pagbabago maliban sa pagtrato nito na tunay na ina sa mama nila na dati nilang tinatrato na step-mother lang sa kabila nang pagiging totoo nitong biological mother sa kanilang mag-kuya
• si James ay mas bumuti sa pag-aaral, although nagtataka ako kung bakit parang hindi nabigyan nang magandang emphasis na hindi dapat nananakit ang mga magulang o relatives ng mga bata

 
sa last scene pinakita na sama-sama at masaya ang buong pamilya Kim..

wedding anniversary noon nina Reynaldo at Elena..

ni-reveal ni Elena ang balak nyang alagaan ang maliliit nyang apo at ang gawing daycare center ang bahay nya para makatulong sa iba at para kumita na rin nang konti..

winish ng tatlong magkakapatid at ng kanilang mga asawa ang longer life para sa parents nila tas hinandugan nila ang mga ito ng kanta kasabay ng hemorrhoid dance..

isang simple pero napaka-meaningful na wakas para sa isang napakagandang korean tv drama... 

Shakey's V-League

ang pinaka-paborito kong sport ay volleyball..
pero hindi naman ako magaling dun..
mas gusto ko sya kapag mga babae na yung naglalaro, kasi parang bagay na bagay sila para sa isa't-isa..
yung seksing uniform, yung eleganteng mga galaw (kahit dina-dive na yung bola para sa dig), yung pamatay na mga spike, yung mga play at tricks, tas lalo na kung may magagandang player/s sa court na akala mo hindi makabasag pinggan pero kapag humataw na eh halos mabali na ang braso ng receiver..
saan ka pa!?

halos recently lang ulet ako nakapanood ng volleyball sa tv..
last yata eh nung uso pa ang mga international Grand Prix..
kaya thanks sa Shakey's para sa paliga nila...

anyway, hindi mismong volleyball pero related sa volleyball itong ipo-post kong youtube video..
pero bago yun, pangunguhanan ko na kayo dahil hindi sa akin ang video na matutunghayan nyo..
napanood ko lang sya minsan at nakakatuwa kaya gusto kong i-share (thank you sa original uploader):

ang mga are ang champion sa nakaraang Shakey's V-League Season 9, 1st Conference..
ang Ateneo Lady Eagles sa kanilang mtv version ng Call Me Maybe by Carly Rae Jepsen..
wala lang, na-cutan lang ako at naaliw sa kanila...

at kasi ngayon ko lang napansin, ang cute pala ni #5 Mae Tajima..
sayang, hindi ko pa naman masyadong pinapanood kapag Ateneo ang lumalaban kasi kumbaga ay sure win na, wala nang masyadong element of surprise kung sino baga ang mananalo sa bandang huli..
di bale, next conference siya na ang panonoorin ko kung sakaling televised pa rin yung games...


bale ang team ko talaga eh kung nasaan si #14 Areerat 'Eve' Sanorseang (Thai guest player) kasi sobrang ganda nya sa court..
elegante yung running serve nya na sure ball, tapos halos isa lang o fixed yung porma nya para sa attack pero mabilis at malakas rin..
naging paborito ko yung pinaka-last match nila (FEU Lady Tamaraws) against SSC-R Lady Stags..
para kasing yun yung peak nya dito sa nkaraang conference, umabot hanggang 5 set yung laban, tapos halos sa kanya na nakaasa yung buong team sa later part nung game, na kung tutuusin kasi eh nung mga early matches nila eh hindi naman sya masyadong nabibigyan ng magagandang play kasi limited yung attack zone nya..
sobrang pursigido sya nun kasi last chance sana para makapasok pa rin sila sa top 4, para ngang halos match na sila nun ni #7 Bualee na Thai guest player ng SSC-R..
talo si huli pero masaya pa rin..
sana lang ma-invite ulit syang maglaro dito sa bansa sa mga susunod na liga...^_^

after nawala si Eve, sa SSC-R naman ako sumuporta kasi hanga ako sa fighting spirit at lakas ni #7 Jaroensri 'Jang' Bualee..
ang super MVP ng conference na sobrang antakaw umiskor..
cute rin naman sya, at sexy.. at ang importante - malakas humataw..
medyo matagal na siyang nag-ge-guest sa liga pero unfortunately hindi pa sya nakakatikim ng championship na part nung reason kaya ko sya sinusuportahan..
hopefully next time makuha na nya yung inaasam nyang championship...